本地數碼音樂平台MOOV邁入20週年，宣布自2026年6月起於ELEMENTS圓方舉行多場《MOOV 20 Music Station》現場音樂企劃，第七場邀請歌手Frankie陳瑞輝擔任嘉賓，登陸Music Station舞台。Frankie 陳瑞輝獻唱《皮思苦》、《是日戀愛》、《生還者》，用歌聲為MOOV 20 週年熱烈慶祝。
Frankie擔任嘉賓登陸Music Station舞台。
每次《MOOV 20 Music Station》均吸引樂迷圍觀，期待歌手到場分享音樂世界。上集嘉賓Cath黃妍虛心向Frankie請教「角色轉換」的技巧，Frankie亦樂於分享經驗：「平時off-cam都會同其他藝人交流吓呢啲題目，今日我覺得講唔晒添，如果有機會可以繼續講落去，睇下大家會有啲咩睇法，激發下我自己。」
點擊看圖輯
Frankie擔任嘉賓登陸Music Station舞台。
Frankie向下集嘉賓Kiri T提出「點樣養寵物」。
Frankie陳瑞輝
Frankie獻唱《皮思苦》為活動打響頭炮，現場數百名「皮寶寶」情緒非常高漲，瞬間變成全場大合唱。節目中，Frankie分享「哲學家」、「佛系擔當」理念：「以前佛系得嚟有啲被動，依家佛系得嚟有時會主動。例如有些表演人哋問我意見想做咩，我會話『真係無所謂！』，好想迎合大家嗰種佛系；依家我變咗會主動講自己想點先。」
Frankie陳瑞輝
Frankie竟然向下集嘉賓Kiri T提出「點樣養寵物」呢啲超易題目，俾對方輕易過關：「我都講咗兩年想養寵物，但係睇返自己嘅工作時間，覺得唔係好負責任嘅主人，要好多朋友或者屋企人standby幫我，我對自己養寵物呢樣嘢個期望好大，所以覺得自己未準備好。」
Frankie向下集嘉賓Kiri T提出「點樣養寵物」。
適逢本地數碼音樂平台MOOV邁入20週年誌慶，Frankie表示從小支持廣東歌，更屬陳奕迅Fans：「以前我儲咗好耐錢買咗一部MP3，當時成日都聽陳奕迅嘅歌，無論係搭車、溫書定係瞓覺，呢部機都陪住我。以前我好鍾意成隻碟咁樣聽，由第一首聽到最尾嗰首。」
由MIRROR四位成員AK（江𤒹生）、Alton（王智德）、Frankie（陳瑞輝）及Lokman（楊樂文）組成的「FING小組」，繼強勁舞曲《FING!》與《DUM!》後，於9月5日澳門演唱會前夕，推出第三首全新單曲《BRO!》。有別於過往勁歌熱舞的跳唱屬性，四人今次大玩懷舊抒情曲風，避開文青式的雕琢，以最地道的香港口語與細節，深度還原男人之間「不用多說、有事即到」真實兄弟情！
FING小組推出全新單曲《BRO!》。
VIDEO
觀看相關影片按連結：https://youtu.be/9GfjISvA884
談到新歌構思，Lokman表示是與公司A&R同事商量出來，事關他們四人子給人的感覺同元素，好似歌曲《男子組》的感覺，說：「我哋之前兩首歌《FING!》與《DUM!》已經係跳唱歌曲，第三首歌不如玩一啲唔同啲，所以就想試依類曲風。個原故事就係我覺得我哋四個好似網上一Meme圖，男人叫啤酒唔使講嘢，個bartender望一望指一指，你同班friend再望一望點個頭就可以叫到啤酒。Oscar 聽完就寫咗份咁有畫面的詞。」AK亦透露早在小組演唱會《W.T.F.》1.0及2.0的「廚房佬唱情歌」環節已有做慢歌的念頭，Alton與Frankie則笑言希望藉此擴闊「FING小組」的屬性，展現四子貪玩又感性的一面，開發更多路線。
Lokman
AK
Alton
Frankie
不過，這首帶點懷舊及R&B味的抒情慢歌，卻被AK爆料指因為「Dolphin Wong」的震撼出現，亦會令大家覺得整首歌「反其道而行」，更順勢將Alton冠上「王海豚Dolphin Wong」的封號！Alton笑說：「作為第一個進錄音室，喺冇前人提示下，唱到嗰個高音位，突然『師傅到』夾硬衝咗上去，雖然唔知點收科，但當時錄音室氣氛非常好！我第一個玩，後面第二、三、四個就跟住一齊玩，最後都希望觀眾亦一齊玩。」而「海豚音」的意外解鎖，亦令《BRO!》進一步完美呈現出「FING小組」貪玩又真摯的本性。
FING小組
FING小組
FING小組
至於MV拍攝當日，Frankie亦意外躍升為跳舞擔當，事緣Frankie在拍攝solo演出時，懷疑過於瞓身演出跳到爆褲，右大髀罅位置爆開足足有一隻手掌般大！三位兄弟即時衝出瘋狂大笑，場面失控。Frankie事後無奈又搞笑地澄清：「其實原本唔係諗住跳舞，本來係諗住開個馬，點知太耐冇跳，興奮一開個馬，太大力就爆咗！既然爆咗咁就跳埋落去，都真係第一次跳到咁徹底。明顯我功力又上升咗，右腳力勁咗！」最後Frankie被一致公認為當日MVP，笑爆全場！
FING小組
FING小組
FING小組
Frankie
被問到四人之間最深刻感動的「Bro事」，四子默契地全數投給了小組《W.T.F.》演唱會。不論是由1.0完騷後台互攬流淚，或是到2.0出場前喺後台圍圈熱身、純粹跳舞，甚至喺紅色車仔出發前的互動，四人都非常深刻。AK說：「好多都好難忘，好似MIRROR又好，或者只係我哋四人嘅騷、綵排後返酒店嘅聚會，係好屬於我哋四個人嘅時間，四個好似一齊完咗一件事後，食飯傾偈，係好Bro同維繫感情嘅方法。」
Lokman
AK
Alton
另外，「FING小組」將於9月5日登陸澳門新濠影滙綜藝館，舉行《Manifest | W.T.F. Live Tour 2026 - Macau》演唱會，四子除即場首唱《BRO!》外，亦非常期待彼此的即場發揮，當中Alton便承諾「王海豚」屆時一定會現身！到底到時現場會出現幾多條「海豚」一齊大合唱？再加上四子將為《W.T.F.》3.0準備專屬驚喜，各位粉絲切勿錯過！
FING小組
FING小組
FING小組
