藍朋友．旅朋友｜岑麗香憶當年拍劇壓力爆煲至皮膚潰爛談老公強強事事遷就即激動落淚

娛圈事

藍朋友．旅朋友｜岑麗香憶當年拍劇壓力爆煲至皮膚潰爛談老公強強事事遷就即激動落淚

2026年09月29日 15:00 最後更新：15:10

《藍朋友．旅朋友溫哥華篇》今晚（9月29日），王祖藍將與太太李亞男一起在Playland Amusement Park拜會好友岑麗香（香香），香香還帶藍男走訪了與老公強強相睇定情的地方Grouse Mountain。

原來香香第一份工作就是在Playland Amusement Park，談到當年為何會飛來香港參選華姐，香香坦言純粹因為「貪玩」：「我爹哋媽咪想我做政府工嘅，我就覺得好悶，（成日）喺度打字差唔多瞓著咁滯」、「想做啲Wild啲嘅嘢，咁就參選喇。」

點擊看圖輯

香香曾經喺Playland Amusement Park打工，佢同李亞男玩機動遊戲玩到暈佗佗好搞笑。

香香講到強強對自己的好時，忍唔住喊，仲笑住話好尷尬想cut機。

祖藍爆香香喺香港發展時期，曾遇上瘋狂追求者，成個過程好花生，睇吓佢哋笑到，就知內容有幾精彩啦。

焦點圖片

香香曾經喺Playland Amusement Park打工，佢同李亞男玩機動遊戲玩到暈佗佗好搞笑。

香香透過參選華姐入行，而且拍劇之路並不平坦。

香香開心Share與強強愛的點滴及搞笑被求婚經過。

香香講到強強對自己的好時，忍唔住喊，仲笑住話好尷尬想cut機。

香香講番強強求婚經過時，開心到手舞足蹈。

祖藍爆香香喺香港發展時期，曾遇上瘋狂追求者，成個過程好花生，睇吓佢哋笑到，就知內容有幾精彩啦。

呢集有好多香香珍貴成長回憶。

祖藍自己都會有啲特別體驗，萬勿錯過呀！

不過，當成功當選華姐冠軍、正式踏入香港娛樂圈後，香香卻要承受來自四方八面的壓力，單是廣東話不好，已令她要比其他藝人付出更多時間和努力，包括在家翻譯對白及不斷背誦，祖藍坦言曾目睹香香因Overload，耳仔背後皮膚嚴重潰爛，香香亦坦言當時壓力爆煲，除了工作，還有人事問題：「不斷要output，你嘅deadline、你嘅稿、你嘅通告，一定要到（位）」、「除咗皮膚唔好，我開始好驚同人接觸」祖藍：「社恐？」，香香：「係喇，冇錯，因為有時我攰會驚（Say）Hi（Say）得唔夠Friendly，人哋會覺得我好衰格。」

連接的壓力及內耗，竟令香香決定飛返溫哥華Dating「減壓」：「我即刻飛返加拿大，我要我啲朋友幫我set up dating！」亦因為相睇這個決定，令香香遇上了現在的老公強強，香香在節目中，還披露了強強當年在「定情地」Grouse Mountain求婚的過程有多曲折和盞鬼：「有一日佢Plan咗返嚟呢個山，又係去嗰間餐廳喎，當時我自己都覺得係咪（求婚）呢，咁就開始一路食一路Expect…點知跟住食完就走喇喎」、「轉場時佢話要經過阿媽屋企：『我媽好似買咗啲急凍嘢，要我即刻攞』，又話要幫手帶嘢去Church」、「去到Church，佢叫我入埋嚟，入到去原來係擺晒氣球同好靚嘅燈，仲有音樂。」

分享強強寵妻大法：佢唔識氹人，但係每一日細細嘅行為已做咗畀你

遭祖藍踢爆第一次見完強強即墮入愛河的香香，談到強強時，忍不住留下感觸又開心的眼淚：「佢真係就晒我」、「佢其實都幾錫我，但我有時真係會忘記」、「其實佢個人唔係啲咩好浪漫嘅人，佢唔識氹人，你要講一句氹嘅說話，佢好辛苦好似…但係每一日細細嘅行為已做咗畀你。」

談到香香的感情生活，祖藍爆料指香香當年在港拍劇時曾遇上瘋狂追求者：「你嗰時有啲好坦白架，坦白到你好抗拒添架」、「你記得嘛？仲有少少病態添。」不過香香對祖藍說的事卻完全零印象，欲知詳情，敬請留意今晚一集《藍朋友．旅朋友溫哥華篇》。

往下看更多文章

藍朋友．旅朋友｜鍾嘉欣久別亮相TVB驚揭溫哥華家中「親自接生」被王祖藍踢爆「戀愛腦」為老公放棄事業！

TVB綜藝旅遊節目《藍朋友．旅朋友》由王祖藍主持，本周一至周五翡翠台晚上10點半播出壓軸的《藍朋友．旅朋友溫哥華篇》，在溫哥華，祖藍將會攜手太太李亞男接連拜會居於當地的好友們，明晚（9月28日）為《溫哥華篇》打頭陣的，將是與祖藍相識超過廿載的鍾嘉欣（Linda）。

「睇住細佬出世，係一種experience of life」

自2021年演出《星空下的仁醫》，便鮮有亮相TVB的Linda，在《藍朋友‧旅朋友溫哥華篇》中將敞開心扉，大方分享一些從未公開講過的秘密，內容保證珍貴。嫁了醫生老公、身為三孩之母的Linda，驚爆當年生B是在溫哥華家中，更透露女兒都有見證兒子出生過程：「我自己接（生）架」、「因為喺屋企吖嘛，你咪接住佢咯」、「我個女都有睇住我個仔出世，我係咪奇奇怪怪呢？我覺得好Natural，我覺得佢睇住細佬出世，係一種experience of life，Life is life，佢係血淋淋，But it’s beautiful。」Linda說時的平淡，與祖藍的震驚樣相映成趣。

10歲大女受感染：媽咪，我第時都想生三個，好似你一樣

被祖藍封為「超級媽咪」、可以一隻手煮飯、一隻手氹B瞓覺的Linda，又指經歷生B陣痛對她來說十分重要，因為可以讓她深切體會到自己媽咪的偉大；提到鍾媽媽，Linda更感觸大爆發，數度哽咽兼滴淚，相當感性：「我想經歷呢個痛，你知唔知我經歷個痛時經歷緊啲乜？（淚水隨即湧上）嘩！感動添…我可以經歷我媽媽生我三兄弟姊妹嘅過程同感受（持續哽咽），對我嚟講好緊要，我成日都好想同我媽媽好Close，我知道佢好辛苦，好努力，去成為好好嘅媽媽，所以我好愛錫佢…生BB嘅過程我係諗住我阿媽，所以我好有力量。」

正正因為生命影響生命，同樣以愛灌溉下一代的Linda，亦令女兒喜歡上媽媽這個身份：「我大女（註：現年10歲）依家同我講，佢話佢想生小朋友，佢話:『我想生三個呀，媽咪，好似你一樣呀。但你可唔可以幫我湊？』」

鍾嘉欣愛夫宣言：我好鍾意佢，由頭到腳都鍾意！

重視「愛」與「連結」的Linda，自然亦是「戀愛腦」，當年她認識了老公Jeremy後，向閨密李亞男劈頭第一句是：「我搵到我嗰個人喇，我好鍾意佢，由頭到腳都鍾意！」祖藍更爆料指，向來視演藝事業為生命的Linda後，遇上Jeremy後，出現了180度轉變，祖藍：「我記得我係同佢傾工作，佢話『我唔使架喇，事業依家唔重要，我以後最緊要係家庭』。」Linda聽畢即補充指入TVB拍劇，曾對她來說是遙不可及的夢：「我以前係睇TVB電視劇大架嘛，我見到佘詩曼、朱茵、蔡少芬、周海媚、陳松伶，我已經發夢好想喺呢個電視（出現）。」

大量珍貴舊照片節目中釋數曝光

除了大方分享內心最真實想法、以及對愛情及家庭的看法，Linda還與李亞男在海邊高歌當年自己的作曲作品《有一天》，配以製作組加插的三人成長照片，煞是感動，Linda唱畢後還不忘幽默自嘲「想當年」：「諗番起我哋大家仲係好瘦、好幼，同埋好白淨」、「依家無論如何都有種老味，少少嘅味喺度。」想認識更多祖藍口中「好真好傻好可愛」的Linda，就要密切留意最後一星期嘅《藍朋友‧旅朋友溫哥華篇》。