鄧麗欣相隔14年再出專輯親選題名 《Tathātā》 化身暗黑女王探討過去現在未來

鄧麗欣（Stephy）相隔14年推出全新專輯《Tathātā》，今次打破既有形象，以冷艷神秘的「暗黑女王」造型亮眼登場。專輯概念融合西方古典油畫視覺，貫穿「過去、現在、未來」的非線性時間軸，展現成熟蛻變與初心不變的音樂哲學。

Stephy相隔14年推出全新專輯《Tathātā》。

Stephy笑說：「我好似每一次做一件嘢都係相隔咗唔知幾多年之後再做，好似上次開 Show 咁，又係相隔咗十幾年，今次正式出碟都係相隔咗十幾年。」

今天（10月15日）是Stephy的快樂生辰，選在特別的日子出碟，而專輯名字亦很特別。她說：「碟名《Tathātā》，好多人都會問點讀同埋點解。Tathata 係一個梵文，意思係『一如』 。今次嘅概念係過去、現在、未來嘅自己，3個不同嘅時間，3款不同嘅造型、場景，去構造成我哋想講嘅呢樣嘢。」眾多個造型之中，Stephy表示較喜歡「暗黑女王」造型，她笑說：「連自己都比較少見咁深色嘅造型，好有型，但平時好難會做得到，除非因為工作和襯好多嘢。呢個造型我覺得係好 Cool，亦因為代表『未來』，究竟未來會係點？會唔會就係好似依家？呢個『暗黑女王』幾有趣，尤其鍾意呢個波波領，影咗好多大頭相，好得意、畫面感好強。」

拍攝花絮

拍攝花絮

喜歡畫畫的Stephy，今次專輯悄悄地加入了自己的作品，她說：「其實未決定出碟之前已經有咁嘅構思，將我嘅畫同我嘅樣加疊埋一齊。原本想多少少，但時間唔夠，所以只參與一部分。今次構思來自於西方油畫嘅感覺，但係一啲扭曲嘅形象，有少少隱喻非線性時間性嘅表達。」又說：「好難用三言兩語解釋我內心、或者想表達嘅嘢，想大家透過專輯嘅歌、相、造型、設計等去領會。」

拍攝花絮

拍攝花絮

拍攝花絮

拍攝花絮

「之前做過嘅歌，例如《黑天鵝》，好想探討關於時間，或者關於大家都常講嘅過去現在未來嘅自己。我想將呢樣嘢表達出來，所以都想搵一個比較神秘啲嘅名字，我上網查，究竟我想講嘅呢一個中文字『如』，係咪真係有咁樣嘅意思？結果見到呢個字，覺得『噢，好靚！』，所以就有呢張碟名。」Stephy新專輯的創作與Oscar合作愉快，她說：「今次我好興奮，由做歌開始，走到做呢隻碟，同Oscar傾構思，我覺得係好圓滿地做到自己好想講同埋好想做嘅所有嘢。」

拍攝花絮

大合照

鄧麗欣（Stephy）早前為新歌《已經離我太遠》首赴台灣拍攝MV，製作班底大有來頭，由電影《金都》的副導演阿鐦執導，還有電影導演黃綺琳（Norris）和原班核心團隊操刀。身為電影女主角Stephy揚言此行是「《金都》Re-U」，非常興奮。而MV中她嘗試不同造型配合大膽劇情，令人耳目一新。

鄧麗欣推出新歌《已經離我太遠》。

MV由電影《金都》的副導演阿鐦（右一）執導，還有電影導演黃綺琳（左一）和原班核心團隊操刀。

Stephy笑說：「今次係我第一次喺台灣拍MV，而且所有場景、佈置同燈光都係非常之特別。唔同嘅場景、唔同嘅男主角和道具，充滿電影感，震撼我嘅眼球！」《已經離我太遠》由J.Arie作曲、黃偉文（Wyman）填詞、蘇道哲編曲與監製，也是Stephy與Wyman繼舊作《不要離我太遠》後，相隔逾20年再續前緣。

觀看相關影片按連結：https://youtu.be/kewCj-0-68w

提到新舊歌名之間的巧妙呼應，Stephy說：「大家聽到呢個歌名可能會覺得有啲熟口面，我之前嘅《不要離我太遠》都係Wyman嘅作品。今次佢覺得相隔咁多年再合作，需要紀念一吓，大家都成長咗好多。好開心得到一首主題咁有意思嘅歌，好值得大家細味。」

MV圖片

MV情節迷幻跳脫，帶來視覺震撼。故事裏Stephy 擁有神奇粉紅藥水，能將唱機、吸塵機等電器變成男士氹她開心，有按摩暖男、有博學健談、有跳舞型男，但沒有一位令她心動，於是她繼續尋找。Stephy說：「最初開會聽Story board 時好難將畫面同首歌融合，但拍出黎再細味之後會發現好多心思之處。跳出一般MV 嘅套路，有驚喜！」

MV圖片

MV圖片

Stephy在MV中各個造型都令人非常驚艷，由髮型、妝容到服飾，都是她與團隊精心設計，結果非常成功，她第一個就「嚇襯」自己。Stephy笑說：「好想做一啲同平時好唔同、令人有驚喜嘅造型。今朝換好曬衫，連自己都嚇親。行落樓下時，問酒店前台姐姐一啲嘢，佢都被我嚇親，好搞笑！」而此行更滿足了她「食蛋餅」、「按摩」和「休息」願望清單，非常盡興。

MV圖片

MV圖片

MV圖片