鄧麗欣新碟發布會獲逾千歌迷慶生感動落淚 預告開sidetrack演唱會

鄧麗欣（Stephy）相隔14年再推出新專輯 《Tathātā》，並於本月15和16日假黃埔TIDES舉行一連兩場「Stephy Tang 《Tathātā》album launch live」，座無虛席，氣氛熱烈。好友陳健安、藍奕持（Lester）、與Stephy合作新歌《已經離我太遠》MV及電影《金都》黃綺琳導演、《我談的那場戀愛》何妙祺導演、《飯戲攻心》陳詠燊導演、《12日》伍健雄導演及馮志強導演等捧場，而同門靚仔小師弟何柏臻（Jun）開場前幫觀眾戴手帶和派應援，乖巧有禮。音樂會適逢Stephy生日，逾千歌迷為她慶祝，雙喜臨門！

Stephy日前舉行一連兩場「Stephy Tang 《Tathātā》album launch live」。

不少圈中好友到場支持。

不少圈中好友到場支持。

不少圈中好友到場支持。

音樂會上，Stephy除了現場演繹新專輯內作品，還有不少經典金曲，整晚演出分為「過去」、「現在」和「未來」等不同章節，透過作品展現Stephy心路歷程。當唱到《藍鞋子》、《他不准我哭》和《不要離我太遠》等經典作品，全場歌迷揮動手燈大合唱，氣氛溫馨。兩晚歌單各有由歌迷投選的sidetrack歌，包括頭場《我未願意》和《念念不忘》，以及第二場《不速之約》和《被遺棄的公主》。台下歌迷反應熱烈，Stephy揚言考慮舉行sidetrack音樂會。

鄧麗欣

鄧麗欣

鄧麗欣

第一晚音樂會，Stephy演唱出道時期、第一首包辦作曲填詞的作品《小紅帽》，而且她從未公開演唱。她一開口唱了幾句就哭了，台下歌迷揮動手燈為她打氣。第二晚唱這首歌時雖然成功忍住，但在最後一曲《仍留在這裏》時，台下歌迷大合唱、大屏幕播放她與歌迷的合照，加上歌詞感人，Stephy終於破防，眼淚決堤。

鄧麗欣

鄧麗欣

鄧麗欣

第一場音樂會是Stephy生日正日，台上大屏幕播出歌迷對她的生日祝福片段，陳健安與Lester鬼鬼馬馬扮工作人員推出生日蛋糕，驚喜現身，Stephy哈哈大笑，「公司請啲工作人員咁靚仔嘅，落重本喎！」

好友陳健安、藍奕持送上驚喜。

兩場新專輯音樂會圓滿成功，Stephy表示超感動，「新碟發佈會聽落好似好簡單，但其實意義非常深重，相隔咁多年再出碟，好感動。做一張唱片好唔簡單，除咗要有好歌，仲要加入好多心思。呢張碟記錄咗好多我嘅成長，好多嘢裝載喺入面。今日同大家一齊分享，嗰個重量就好似做一場大型演唱會。」Stephy今次應歌迷要求，歌單加入多首sidetrack，她坦言當作為之後開sidetrack演唱會熱身。

鄧麗欣

鄧麗欣

Stephy對於首晚唱《小紅帽》時灑淚，「呢首歌放喺我第一張唱片，我第一次自己作曲和填詞，歌詞好勵志。今次唱嘅時候，就好似20幾年前嘅自己，同依家嘅我對話，被以前嘅自己鼓勵，所以每唱到某啲歌詞、而我好投入、仲要聽到台下啲歌迷一齊唱，真係忍唔住。」她笑言第二場好堅強，笑住唱完這歌，但在音樂會最後一曲《仍留在這裏》時終於失守，她說：「無辦法，真係好感動，好感謝咁多年支持我，留低陪我嘅人。唔知點解喺台上好眼淺，特別容易觸動，平時嘅我好堅強架！」

鄧麗欣

鄧麗欣

鄧麗欣

鄧麗欣

全場大合照

鄧麗欣（Stephy）相隔14年推出全新專輯《Tathātā》，今次打破既有形象，以冷艷神秘的「暗黑女王」造型亮眼登場。專輯概念融合西方古典油畫視覺，貫穿「過去、現在、未來」的非線性時間軸，展現成熟蛻變與初心不變的音樂哲學。

Stephy相隔14年推出全新專輯《Tathātā》。

Stephy笑說：「我好似每一次做一件嘢都係相隔咗唔知幾多年之後再做，好似上次開 Show 咁，又係相隔咗十幾年，今次正式出碟都係相隔咗十幾年。」

今天（10月15日）是Stephy的快樂生辰，選在特別的日子出碟，而專輯名字亦很特別。她說：「碟名《Tathātā》，好多人都會問點讀同埋點解。Tathata 係一個梵文，意思係『一如』 。今次嘅概念係過去、現在、未來嘅自己，3個不同嘅時間，3款不同嘅造型、場景，去構造成我哋想講嘅呢樣嘢。」眾多個造型之中，Stephy表示較喜歡「暗黑女王」造型，她笑說：「連自己都比較少見咁深色嘅造型，好有型，但平時好難會做得到，除非因為工作和襯好多嘢。呢個造型我覺得係好 Cool，亦因為代表『未來』，究竟未來會係點？會唔會就係好似依家？呢個『暗黑女王』幾有趣，尤其鍾意呢個波波領，影咗好多大頭相，好得意、畫面感好強。」

拍攝花絮

拍攝花絮

喜歡畫畫的Stephy，今次專輯悄悄地加入了自己的作品，她說：「其實未決定出碟之前已經有咁嘅構思，將我嘅畫同我嘅樣加疊埋一齊。原本想多少少，但時間唔夠，所以只參與一部分。今次構思來自於西方油畫嘅感覺，但係一啲扭曲嘅形象，有少少隱喻非線性時間性嘅表達。」又說：「好難用三言兩語解釋我內心、或者想表達嘅嘢，想大家透過專輯嘅歌、相、造型、設計等去領會。」

拍攝花絮

拍攝花絮

拍攝花絮

拍攝花絮

「之前做過嘅歌，例如《黑天鵝》，好想探討關於時間，或者關於大家都常講嘅過去現在未來嘅自己。我想將呢樣嘢表達出來，所以都想搵一個比較神秘啲嘅名字，我上網查，究竟我想講嘅呢一個中文字『如』，係咪真係有咁樣嘅意思？結果見到呢個字，覺得『噢，好靚！』，所以就有呢張碟名。」Stephy新專輯的創作與Oscar合作愉快，她說：「今次我好興奮，由做歌開始，走到做呢隻碟，同Oscar傾構思，我覺得係好圓滿地做到自己好想講同埋好想做嘅所有嘢。」

拍攝花絮

大合照