容祖兒18歲由啟德起飛闖世界 28年後重返原地開騷 與國際舞台大師再次合作打造震撼舞台

由英皇娛樂主辦的《保誠保險呈獻 AURA 容祖兒演唱會》，將於2027年1月18、22及23日假啟德主場館舉行。相隔逾7年再舉行香港大型個唱，祖兒與啟德原來有一段跨越28年的奇妙緣份。18歲那年，她人生第一次坐飛機，從啟德機場出發，踏上人生新旅程；28年後，她重返同一片土地，站上更大的舞台，迎接音樂事業另一個重要時刻！

容祖兒宣布將於2027年1月18、22及23日於啟德體育園主場館舉行一連兩場《AURA TOUR容祖兒演唱會》。

近日祖兒談起啟德，突然憶起一段難忘往事。原來她人生第一次坐飛機，竟然遇上舊啟德機場最後一夜！祖兒憶述：「我好記得第一次坐飛機去倫敦，再去巴黎做嘢，架飛機升上天之後，望落去下面啲燈開始慢慢熄燈，跟住機上啲人就喺度叫喧！ 個時我好驚好緊張，唔知發生咩事，以為咩事，點解要尖叫？」同機的人告訴她，原來當晚正是啟德機場最後一晚運作，大家是歡呼最後航班啟航，她坐上了啟德起飛的最後一班飛機，「我記得完成工作回港，我架飛機已經降落在全新啟用的赤鱲角機場。」這趟旅程，成為祖兒人生的重要轉捩點。她感觸地說：「18歲第一次坐飛機，係我人生一個好大嘅轉變。兜兜轉轉經過咗二十幾年，入行從啟德出發，飛向世界；28年後重返啟德，啟德再與我一起實現另一個更大的夢想！諗起都覺得好奇妙同感動。」

容祖兒

雖然早已身經百戰，但首次挑戰啟德主場館，祖兒坦言仍然相當緊張。在決定開啟德，祖兒坦言期間曾多次到啟德欣賞其他歌手演出，每次入場，都被場館的規模和氣勢深深震撼。她說：「每次行入去都好感動，我會好傻咁諗，究竟我做咗啲乜好事呢？係咪扶咗一萬個婆婆過馬路，哈哈....先有呢個機會畀我發揮，再畀我一個機會達成夢想？」

容祖兒

由構思到真正宣布開騷，祖兒坦言心情比想像中更緊張：「講就講咗好耐，但到真係要宣布、真係要做，原來係會好緊張！」她已經與團隊密鑼緊鼓籌備，召集各部門開會，從演出流程、服裝、影像、舞台機關、燈光、音響到舞蹈，逐一敲定細節，務求將這個重要的演唱會做到最好。

容祖兒

今次《AURA》祖兒決定再邀請國際著名舞台設計師Es Devlin合作！兩人曾於2019年紅館演唱會《PRETTY CRAZY》攜手打造令人難忘的舞台，今次轉戰啟德主場館，勢必延續當年的震撼，為歌迷帶來更具規模的視聽體驗。她透露，團隊曾就三面台、四面台等不同設計反覆研究，經過長時間討論，舞台設計現已大致定案。由舞台變化、燈光效果，以至不同方位觀眾的觀賞體驗，祖兒都希望兼顧，讓歌迷無論坐在哪個位置，都能感受到演唱會的震撼。

容祖兒

至於即將開售，歌迷最關心的問題，當然是究竟搶哪個位置最好？祖兒即時發揮搞笑本色：「睇大家鍾唔鍾意睇鼻孔囉！鍾意就坐近啲！」笑完隨即認真補充：「其實每個位置都有唔同嘅震撼，我哋都希望無論大家買邊個位置，都可以照顧到。」

容祖兒

除了舞台視覺，祖兒今次最重視的，反而是歌迷能否在偌大的場館內，好好享受她的歌聲。她強調：「因為場地真係好大，要照顧到每個座位、每個方位嘅觀眾，音響係好重要嘅事。就算我哋台上乜嘢都冇，都一定要做好音響呢部份！」早前她更親身到啟德欣賞The Weeknd演唱會，對現場音響效果留下深刻印象，大讚：「原來係可以做到㗎，音響可以做到咁好！」令她對今次演出更添信心。

容祖兒

由當年第一次乘飛機，在啟德展開人生新旅程，到28年後重返啟德主場館，祖兒走過的不只是歲月，更是一段由18歲少女成長為樂壇天后的音樂旅程。當年啟德送她飛向世界；這一次，她要在啟德，與歌迷一起再次起飛！

容祖兒

保誠保險呈獻 AURA 容祖兒演唱會

【演唱會詳情】
日期： 2027年1月18, 22, 23日
時間： 19:30
地點： 啟德主場館
票價： HKD $1680 / $1280 / $980 / $680

【優先訂票】
11月9日12:00 - 中銀銀聯信用卡
11月10日12:00 - 港澳銀聯信用卡及內地銀聯信用卡借記卡

【率先發售】
11月12日12:00 - Trip.com Group

【公開發售】
11月13日12:00 - 快達票HK Ticketing、大麥

草蜢《THREE IN LOVE演唱會 - 澳門站》前晚及昨晚（10月24及25日）於澳門威尼斯人綜藝館舉行，座無虛席，寰亞傳媒集團老闆林建岳博士及行政總裁林孝賢等到場支持。前晚頭場草蜢即興邀請觀眾席上的「鐵粉」容祖兒上台合唱，而昨晚第二場的表演嘉賓則是老友古天樂。除了跳唱《今期流行》外，他更以「演藝人協會會長」身份，宣布草蜢成為「健力士世界紀錄」的「華語最長壽不變陣組合」（Longest-running C-Pop Group with No Line-up Changes），全場同歡！

草蜢在《THREE IN LOVE演唱會 - 澳門站》上獲頒「健力士世界紀錄」的「華語最長壽不變陣組合」。

第一晚演唱會，容祖兒原本在觀眾席睇騷，突然被草蜢召喚上台，她立即急急腳穿過觀眾席登場。四人互相擁抱問好後，蔡一智說：「我知道祖兒好忙，因為佢明年一月將會喺香港啟德主場館開演唱會。」傑少感性地說：「我真係好開心睇住祖兒唔同嘅階段，一路變好，一路進步，成為今日嘅天后，真係好正！」祖兒說：「好似阿智所講，我哋係FRAMILY（Friend+Family），認識咗你哋之後，我多咗三個大哥哥。」

草蜢

草蜢、容祖兒

阿智難忘在前輩羅文家拜年時初次見到祖兒，蘇志威爆料：「其實更早之前喺歌迷聚會見過你啦！」祖兒說：「我由細到大都係你哋嘅歌迷，好細個就聽你哋嘅歌，當我入咗行真係可以同你哋合作，你哋好錫我，睇住我唔同階段嘅成長，呢個經歷真係好特別，可以一齊為香港嘅樂壇努力。」傑少邀請祖兒即興合唱一曲，阿智問她最熟悉草蜢哪首歌？祖兒得戚笑說：「不如問我草蜢有邊隻歌唔熟？我熟讀草蜢嘅歌庫，其中有一首歌好啱我依家嘅心聲，亦代表咗我永遠、呢一世嘅心聲，歌名叫《永遠愛著你》！」

草蜢、容祖兒

草蜢、容祖兒

草蜢、容祖兒

草蜢、容祖兒

昨晚第二場表演嘉賓古天樂出場，與草蜢跳唱《今期流行》，全場High爆！其實他們與古天樂識於微時，非常老友，傑少表示古天樂𨒇未出道已互相認識，蘇志威與他更拍劇朝夕相對半年，至於阿智是他的健身教練。之後他們合唱30年前，古天樂為草蜢MV做男主角的歌曲《原諒我是我》。唱完歌，古天樂認真地表示另有重要任務，就是以「演藝人協會會長」身份，宣布草蜢成為「健力士世界紀錄」的「華語最長壽不變陣組合」，並邀請「健力士世界紀錄」官方認證官Jacob Yip上台詳細說明。

草蜢

草蜢、古天樂

草蜢、古天樂

草蜢、古天樂

認證官Jacob說：「要得到呢個紀錄要乎合三個條件：第一，草蜢係『華語組合』，作品主要係廣東話和普通話，過去超過40年，佢哋為華語地區注入咗音樂及舞蹈嘅力量。第二，『最長壽』，我哋以年和日作計算，以1985年7月4日草蜢喺香港利舞臺參加第四屆新秀複賽，參賽歌《一起衝》，呢個紀錄衝到依家嚟到威尼斯人呢個舞台，總數係41年112日，每一年都要對演藝有相當嘅貢獻，例如唱片、演唱會、廣告、商演同埋代言等。我同資深傳媒人鄭丹瑞先生、音樂人陳光榮先生，由1985年睇到2026年，的確係每一年沒有斷續喺音樂同埋舞蹈嘅貢獻。其實係極其艱難，好似馬拉松咁三個人要一齊跑，仲要係世界級嘅水準。」

認證官Jacob（中）

「第三，『不變陣』，成員人數由1985年7月4日起，都係蘇志威、蔡一智、蔡一傑，三位，中間沒有任何變更。呢段關係的確好厲害，真係做到無論順境逆境、貧富、健康與否，都係一起衝。」蘇志威說：「I Do」全場爆笑。認證官Jacob續說：「呢個紀錄充滿生命力，只要你哋繼續喺舞台上，紀錄就會不停地刷新。」然後由古天樂頒發證書給草蜢及大合照留念。

草蜢

阿智說：「我哋三個會繼續努力，應承大家，我哋會有更多更好嘅作品、更好嘅演唱會送俾大家。」蘇志威說：「有幾年曾誤傳我哋無嘢做解散，其實嗰幾年我哋一直都喺世界各地演出，今日得到健力士證實我哋係冇試過分開，多謝！」

草蜢

而有份認證草蜢創下世界紀錄的鄭丹瑞（旦哥），早在1985年起，每次都是他在頒獎禮上宣布「最佳組合獎」給草蜢，作為睇住他們長大的前輩，旦哥昨日專程到澳門睇綵排，恭喜草蜢兼為他們開騷打氣，笑言因為趕返香港湊孫未能留下睇騷。

草蜢

昨晚尾場，觀眾超級熱情，完騷不散場繼續嗌encore，草蜢再度上台唱《暫停，開始過》和《世界變得很美》，觀眾都不肯走，草蜢三度再出場跟大家講「多謝」，並叮囑大家安全回家，他們才乖乖離開。

恭喜草蜢！

演唱會後草蜢接受訪問，提到師傅梅艷芳的骨灰事件，阿智表示已交警方處理，所以不便評論和猜測，希望盡快水落石出。蔡一傑和蘇志威透露經常夢到梅姐，很懷念和她的美好回憶。至於明年1月16和17日，草蜢將在台北小巨蛋舉行兩場演唱會，問到表演嘉賓名單，他們大賣關子，不過就公開召喚張惠妹、蔡依林、庾澄慶和周杰倫等好友捧場，歡迎上台一齊玩。

大合照