鬼王潘紹聰(Edmond)每年的王牌節目「恐怖在線哈囉喂劇場」來到第四年,今年上演劇目《鬼到盡頭》,自上月30日以來至昨晚(11月8日)一共演出了12場,深受觀眾歡迎,場場爆滿。來到昨晚尾場,還特別加插了一場畢業禮,並由Edmond帶領下,眾演員與現場觀眾一齊唱「黎惜貴紀念中學」的校歌,校歌由陳嘉威和梁嘉進創作,場面感人。
12場《鬼到盡頭》圓滿結束。
謝幕
結業禮全場觀衆起立唱校歌。
談到尾場Edmond坦言有點不捨,他說:「今年來到第四套劇,總算圓咗我哋team進駐大場嘅心願,算是冒險性質,不過做人係要超越comfort zone。」首場開騷時,已預售明年第五個劇目門票,Edmond說:「下年係5周年,我哋會以凶宅為主題,雖然依家未公佈演員、編劇,不過已有唔少觀衆支持,預售情況都唔錯。」
演員及導演上台分享感受。
尾場嘉賓謝雪心
昨晚尾場郭羡妮的老公和女兒Kylie到來捧場,在演出前囡囡來到後台探班,從後抱着媽咪,十分溫馨,之後在謝幕時,囡囡還上台獻花。談到今次演出,Sonija坦言完成了自己演舞台劇的目標,她說︰「今次真係成就解鎖,終於做到,感覺好似脫胎換骨,成個人都放開晒,冇見過我自己演得咁癲。」至於最難忘的事,她謂︰「最難忘成班演員,大家好有愛、好團結,尤其麥沛東、歐芷菲,佢哋好搞笑,希望將來有機會再同佢哋兩位合作演喜劇。」
郭羡妮和女兒
第二次演舞台劇的談善言,她表示今次有不同的經歷,她說︰「上次我演悲正劇,所以未能體會到觀眾嘅反應,今次感受好唔同,好鍾意嗰種即場感受,有好多執生位,過程好開心。」已是哈囉喂劇場「四朝元老」的麥沛東,他希望年年繼續開騷,他說︰「今次對我嚟講好深刻,好開心呢個團隊,無論咩事,都全力支持同擁抱我,好多謝大家嘅包容,我一世都唔會忘記。」
演員分享感受。
麥沛東兩位師弟蘇文濤和吳澤烽
首次參演舞台劇的ANSONBEAN感到不捨,「今次我覺得好似返學,大家都會鞭策我,真係好好嘅體驗,估唔到話咁快又完,真係有啲感觸,我自己把聲都沙咗。」同樣都是首次參演舞台劇的Day@COLLAR,在台上多謝每一位,指大家如老師般指導她,如劇中一句台詞:「好好感受所有」,令她感受最深。
兩位同樣演Day的細佬。
台前幕後大合照