特首選情
林鄭當選特首，記者在選前追問選委林鄭民望低，會否無法管治？有高人話中總會長蔡冠深回答時講得幾到題。
蔡冠深話，不能單睇選舉期間的候選人的民調，林鄭和曾俊華過去都係司長，要睇番佢地的往績的民望。
嘉華集團主席呂志和就答得搞鬼，話「民望係你地(記者)寫，你地唔好亂寫，要公道啲。」
政壇高人話，鬍鬚曾的選舉工程的確做得好啲，網上網下宣傳精美，加上長久做功夫，自然拉抬了選舉期間的人氣。但揀特首不是比選舉工程，也不主要是比人氣，否則搵影帝發哥出來選，就一定要選佢做特首。
高人話蔡冠深講到一個最重要的問題，做過司長有往績，要睇佢地做嘢做成點，做嘢時民望如何，可以比較立體咁睇到一個人。
Ariel
** 博客文章文責自負,不代表本公司立場 **
林鄭月娥當選特首後，外界開始關心政府換班問題。
三名司長都有可能換，特別是財政司司長和律政司司長。聞說林鄭屬意律政司司長袁國強留任，但袁因健康考慮打算離職。雖然外界有傳熱門律政司司長接任人選是資深大律師鄭若驊，但林鄭和鄭若驊不熟，事件存在變數。
至於財政司司長陳茂波，林鄭打算換人。其中一個人選是渣打大中華及北亞區行政總裁洪丕正，但聞說有人問過洪丕正，他無意加入政府這個熱廚房。另外的傳聞人選包括滙豐銀行副主席兼行政總裁王冬勝及創興銀行副主席梁高美懿，但消息人士話兩人都唔太似。
至於新任局長，就傳過好多個名，主要是現屆政府的常秘，一個盛傳的外來人物是李律仁，傳佢將取代陳家強，出任財經事務及庫務局局長。李律仁是林鄭競選辦副主任，曾任證監會企業融資部總監，後成為執業大律師，專打證券及金融相關官司，做財金局局長都啱路數。消息人士話，李律仁加入政府的消息最似樣。
