李律仁講「由衷」變「由哀」 竟然無人留意到

林鄭競選辦副主任李律仁早前盛傳會入閣做財經事務及庫務局局長，但最近風聲又有少少轉，話佢都未必想加入呢個熱廚房。

上星期四港台節目「議事論事」搵咗李律仁做嘉賓，由李鵬飛訪問佢。飛哥劈頭就問佢有報導話佢本來支持曾俊華，但轉頭點解又支持林鄭？李律仁就答，「林太初時話唔選，我唔止一次向曾俊華那邊的人表示願意幫佢，但佢地無回應，所以無鎖死我。到林太話出來，我就去幫林太。」

飛哥問李律仁如果林鄭找他加入政府他會否接受。李律仁無直接答，只係話更重要的是希望林太不用找我，社會上能人異士多的是。佢又話「多謝飛哥你咁睇得起我，但我覺得做一要謙卑啲， 我由哀地覺得我年資尚淺。」

港台電視截圖

唔係打錯字，李律仁的確好字正腔圓咁講出「由哀」，令人耳都側埋。由於訪問唔係照稿讀，所以李大狀係自動咁去讀，恐怕佢係從來都唔知「由衷」應該點讀，以往一直以為個「衷」 字係個「哀」字。睇嚟李大狀要惡補一下中文。

政壇八卦友話，李律仁讀「由衷」變「由哀」，都無人講無人笑，講明港台節目在那個時段播出，收視率太低。

Ariel

** 博客文章文責自負,不代表本公司立場 **

國務院昨正式任命林鄭為香港第五任行政長官，佢承認在目前氣氛下，要游說合適人士加入政府並不容易。

政制及內地事務局局長譚志源昨就公開表明不留任，話為官太耐驚變得離地。

Raymond譚不願評論與林鄭關係，只說佢30多年前加入政府 時，林鄭是他的「老闆」(Ariel記得好似是當年搞政改的臨時組織民意評估處)，到三年前處理政改時關係更密切，形容在處理政改問題上與林鄭「行路步伐唔係好同」，但他認為政府內不希望所有官員有一致想法，「 如果百分之一百千依百順，唔會係好夥計」。

但政圈中人傳聞，Raymond譚唔止處理政改和林鄭步伐不一， 後來處理立法會選舉簽署確認書問題，兩人都不太一致。簡單講Raymond譚處理手法比較嚴啲，與林鄭唔係咁滿意。

Raymond譚話在政府工作30多年，特別在議會內「蹉跎歲月 ….青春開始燃燒得太快」，怕自己有離地危機，打算完成任期後先稍作事休息，再在其他方面開拓另一番事業。Raymond 譚53歲仲後生，離開政府後都大把世界啦。