黎燕珊視「少女版李麗珍」如己出

黎燕珊去年離開亞視後，一直自由身接工作，日前她為港台的新醫療實況劇《我的家庭醫生》其中一個單元《美麗陷阱》開工，孖住《女人俱樂部》「少女版李麗珍」王敏奕（Venus）首度合演母女，戲中珊姐身兼星媽與經理人兩職，出盡法寶只為圓囡囡的明星夢，兩人雖是首度合作，但演起母女來相當有默契。黎燕珊仲話視Venus如己出。

戲裏急流勇退的過氣女星珊姐，怕Venus輸蝕畀人，迫她打美容針，最終弄巧反拙。

珊姐笑言已將Venus視如己出，並大讚「囡囡」演技好。

身為單親媽媽的黎燕珊，04年與劉永離婚後，身兼父職養育兩名子女。珊姐曾揚言慶幸囡囡對娛樂圈沒興趣，更表示不希望囡囡踏足這個圈子。現實及戲內珊姐想法剛好背道而馳。

Venus在劇集內，大玩Cosplay造型。

當日《美麗陷阱》在尖東拍攝外景，珊姐身穿碎花連身裙和黑色西裝褸到場，造型已似足星媽兼經埋人，與憑「少女版李麗珍」闖出名堂、當日大玩Cosplay造型的Venus埋位演母女。現場所見，已為人母的珊姐，拿捏母親對女兒緊張神態絕對是入形入格。

當日劇情講述飾演o靚模的Venus，要以Cosplay女郎形象在街頭工作，怎料因皮膚出現問題而壓力爆煲，一度收埋自己拒絕會見傳媒，更向到場了解的珊姐大發脾氣，因而揭露珊姐是「怪獸星媽」，曾強迫Venus打美容針，導致皮膚敏感的後遺症。兩人鏡頭前雖然鬧到火紅火綠，但鏡頭後攬住合照卻相當有母女feel。

早前港台劇《我的家庭醫生》記者會宣佈，該劇將蘇玉華、岳華、黎燕珊及王喜參與演出。

現實中有一對子女的珊姐，不渴望當星媽，更強烈反對囡囡踏足娛圈。

時尚女星王敏奕今日（1月29日）盛裝現身中環，出席國際品牌SANDRO的最新時裝活動。身穿一襲低胸搶眼裙裝的她，甫到場便吸引眾人目光，更急不及待投入欣賞品牌的SS26最新系列，展現其獨到的時尚品味：「其實自己本身都好鍾意呢個品牌，我一做fitting我已經好鍾意！自己鍾情於簡約優雅吊帶裙風格，認為今季系列中的淺藍色配白色組合，完美符合自己個人喜好。」

王敏奕

王敏奕更強調，她揀選服飾時最重視的並非「性感」與否，而是舒適及自我風格的展現。她堅定地表示：「著衫最緊要係舒服，同埋要清楚自己鍾意啲咩，著得出自己一個感覺為主，所以我冇乜諗性感或者唔性感，呢套衫我著得好舒服、好鍾意。」
呢日Venus亦留意男裝，她表示依家流行Unisex，會「借」老公外套陪襯：「依家好興Unisex㗎嘛，我都會有時會買男裝褸，即係oversize少少咁樣襯一件比較可能feminine嘅款。其實Mix and Match都會撞到一個比較balance嘅感覺，唔係淨係好feminine或者好masculine，係兩樣嘢Mix and Match。」

近日有報導指她為好友糖妹「打針」雪卵，她表示緊張到手震：「我聽佢講好多年㗎啦，我覺得佢有呢個諗法想去做呢件事，我一直都好支持佢。雖然我個人冇辦法陪佢飛去台灣進行呢件事，我都好慶幸佢有一part係返香港要support嘅，佢都係俾一個機會我去參與。」對於「打針」一事，王敏奕坦言自己也心生畏懼，甚至形容針頭的長度令人心驚：「我打都手震㗎，啲針原來咁長㗎，都驚啊，唔係嗰啲短嘅針。」被問及是否有考慮凍卵時，她坦白回應：「暫時未有需要。」

王敏奕

王敏奕

提到老爺曾志偉卸任TVB高層後，她未聞對方新動向：「我都冇獨家消息，臨近年有新年，希望可以大家放個假先啦，有啲咩都新年後再繼續過一個新嘅一年，好嘅一年再出發啦。」王敏奕透露工作未受老爺卸任而減少，對即將展開的新項目充滿期待：「其實都好好彩嘅，即係有啲好好嘅機會啦，嚟緊都會有新嘅project，都覺得係好有興趣嘅，好期待可以快啲同大家見面。」

王敏奕

王敏奕