娛圈事
年度盛事《澳娛綜合呈獻：萬千星輝頒獎典禮2025》於今晚（1月4日）假澳門上葡京綜合度假村—上葡京綜藝館隆重舉行，「最佳女配角」由王敏奕憑《新聞女王2》「劉艷」一角奪得，她上台後哽咽感謝謝每一位投票給她的觀眾，多謝TVB，並逐一多謝公司高層，包括老爺曾志偉、許濤、曾勵珍、樂易玲以及鍾澍佳。
TVB截圖
TVB截圖
王敏奕緊張的表示原來站在台上腦袋真的會一片空白，但她好榮幸能與龔慈因及其他每一位入圍者一齊提名，「喺公司呢幾年學識咗做嘢一定要虛心，要一直努力，演戲唔係比賽，獎項亦唔係演員嘅終極目標，每個一作品、角色能夠畀人記住，已經係值得加許嘅事， 好感恩，好多謝大家，演員唔需要靠獎項去話畀佢知佢有幾好，但一個獎，可以令一個演員更加堅持咁行落去，希望呢個獎鼓勵所有覺得自己夠努力嘅人，有一日你哋都會攞獎。」
TVB截圖
本網記者攝
本網記者攝
時尚女星王敏奕今日（1月29日）盛裝現身中環，出席國際品牌SANDRO的最新時裝活動。身穿一襲低胸搶眼裙裝的她，甫到場便吸引眾人目光，更急不及待投入欣賞品牌的SS26最新系列，展現其獨到的時尚品味：「其實自己本身都好鍾意呢個品牌，我一做fitting我已經好鍾意！自己鍾情於簡約優雅吊帶裙風格，認為今季系列中的淺藍色配白色組合，完美符合自己個人喜好。」
王敏奕
王敏奕更強調，她揀選服飾時最重視的並非「性感」與否，而是舒適及自我風格的展現。她堅定地表示：「著衫最緊要係舒服，同埋要清楚自己鍾意啲咩，著得出自己一個感覺為主，所以我冇乜諗性感或者唔性感，呢套衫我著得好舒服、好鍾意。」
呢日Venus亦留意男裝，她表示依家流行Unisex，會「借」老公外套陪襯：「依家好興Unisex㗎嘛，我都會有時會買男裝褸，即係oversize少少咁樣襯一件比較可能feminine嘅款。其實Mix and Match都會撞到一個比較balance嘅感覺，唔係淨係好feminine或者好masculine，係兩樣嘢Mix and Match。」
近日有報導指她為好友糖妹「打針」雪卵，她表示緊張到手震：「我聽佢講好多年㗎啦，我覺得佢有呢個諗法想去做呢件事，我一直都好支持佢。雖然我個人冇辦法陪佢飛去台灣進行呢件事，我都好慶幸佢有一part係返香港要support嘅，佢都係俾一個機會我去參與。」對於「打針」一事，王敏奕坦言自己也心生畏懼，甚至形容針頭的長度令人心驚：「我打都手震㗎，啲針原來咁長㗎，都驚啊，唔係嗰啲短嘅針。」被問及是否有考慮凍卵時，她坦白回應：「暫時未有需要。」
王敏奕
王敏奕
提到老爺曾志偉卸任TVB高層後，她未聞對方新動向：「我都冇獨家消息，臨近年有新年，希望可以大家放個假先啦，有啲咩都新年後再繼續過一個新嘅一年，好嘅一年再出發啦。」王敏奕透露工作未受老爺卸任而減少，對即將展開的新項目充滿期待：「其實都好好彩嘅，即係有啲好好嘅機會啦，嚟緊都會有新嘅project，都覺得係好有興趣嘅，好期待可以快啲同大家見面。」
王敏奕
王敏奕
