俄羅斯總統普京，之前藉住當地俄裔人的支持，成功奪回克里米亞，保得住俄國的一個重要的軍事基地。然而除克里米亞，看烏克蘭東部亦有俄裔人，同樣希望那部份彊土，可以納入俄國版圖。
除了一個個前華沙公約國投入西方懷抱，在俄國大門口前的波蘭，更被北約集團用作部署飛彈防衛網，對普京來說，莫不是老虎頭上釘蝨乸？若果在烏克蘭再重蹈覆撤，老子面目何在？
所以當前親俄烏克蘭總統被迫下台，唯有乘著政治真空，來一個閃速公投來保住個克里米亞軍事基地 - 自己泊俄國軍艦，好過俾佢美國佬放飛機、飛彈。除此之外，普京另一個目標，大慨就算是烏克蘭想向北約投懷送抱，也不容許北約有駐軍的可能。 這其實不難理解，美國人只要記得五十多年前的古巴危機，道理同出一撤。
其實普京的要求十分明確，西方國家又點會唔明？在地緣政治層面，北約集團沒有甚麼損失，烏克蘭亦沒有足夠價值要去為佢付出，所以奧巴馬亦一早否定出兵的可能性，制裁亦相對象徵式，其實只是向普京明確的要求，作出明確的回應。
也許普京在烏國親俄政權被推返的當日，給那班俄裔族人支持，作為一個權衡烏克蘭政局的對沖 - 假若北約強行納入烏克蘭，也不會讓他們可以有穩定嘅烏克蘭來佈陣。
現在問題在於，普京已得到他想獲得嘅地頭及局面，克里米亞的俄裔子民，得到普京大哥照顧了，但其他身處的俄裔遺孤，還想有同樣的看代，烏東的遺民也自行公投表決了。而家普京一方面要求烏克蘭軍隊停火來保住班馬仔條命 - 普京唔可以放棄班曾經為自己賣命嘅馬仔，但卻又唔見班馬仔願意放下武裝、放棄回歸俄國夢。
而家普京啲馬仔想烏克蘭回歸俄羅斯，超出了普京和北約的共識；重普京藉著D-day嘅70週年紀念，不單和奧巴馬及德國總理默凱爾作短暫會面，更和烏克蘭新選出總統詳談… 看來對普京來說，最難溝通的倒不是西方政要，而是身處烏克蘭嘅親俄武裝份子！
大笨袋鼠
** 博客文章文責自負,不代表本公司立場 **
在陸羽仁的企業CEO專欄，網友時不時討論，是否應該爭取大學教育，還是睇情況，早啲出去搵食慳番啲學費。
由於袋鼠國政府cut大學撥款，話大學生失業率低、兼平均終身收入比非大學生高很多（教育部長聲稱多至75%），要啲學生多俾多啲學費；鼠民電台就搜集資料，睇吓啲政府官員是否吹過龍、有幾多吹水成份。
報導原文搜集咗好多研究報告，並嚴格對使用數據作定義，除了仔細解釋失業率定義，亦分清楚不同研究報告，在計算大學畢業生和中學離校的差距，有些只直接同年齡年薪收入差別（wage differential），另一些則計算終身收入差別（lifetime income）去計算大學教育的回報。
呢度應該無人會睇全文，尤其是報導始終以袋鼠國而不是香港為目標。但這裡留下連結作參考用：Pyne's claim that graduates earn more is overblown
不過都可以引述一點，就是多個研究所得到嘅共識，係每一年的高等教肓的回報，大慨增加終身收入約10%左右，即完成一個學士學位，相對於中學畢業，大慨增加終身收入35-45%左右。當然會因為學科、成績、大學、諸如此類、而異，但這是一個方便使用數字 (ballpark figure)。
… For Australia the estimate is that the return to education is indeed exactly in that ballpark of 10 per cent per year of [tertiary education], so this implies that the typical graduate will earn around 35 to 45 per cent more then their non-graduate peers," (University of Sydney economics) Professor Harmon said.
唔知香港有無這一類研究？
要留意的是，呢啲研究係講緊『每一年教育增加10%終身收入』，是已經包括了學費及時間上的機會成本。當然，學費係講緊本地學生學費，留學生學費會貴好多，回報也許要打折。
之前好多網友討論，主要係衡量學費嘅機會成本（例如將學費買樓好過），而家可以加入埋呢35%-45%嘅終身收入增加（留學生打折），再作考慮－當然要假設緊大路嘅學科、而又中規中矩讀得成書、及袋鼠國和洋紫荊港的終身收入增加可以相比。
就咁睇，（唔計想移民、又或者對香港沒有的冷門學科有興趣而又俾得起錢嘅人）除非係本身真係有料去外國知名大學，兼有本事考好成績，即係預計終身收入結果係將會凌駕於這些平均數之上，否則考慮計算埋留學學費更貴，在香港讀大學好了，讀唔上又無乜錢就無謂強求。
