何佩瑜（Jeana）於網上連環貼出船P照，穿上性感泳裝的她露背又晒腿，十分養眼。
網上圖片
網上圖片
網上圖片
Jeana於社交網站連環貼出水著照，她先貼出一張白色三點式比堅尼照，性感造型吸引不少網民觀看。後來，她再貼出多船P照，換上墨綠色泳裝的她真空上陣，既露背又晒腿，火辣又養眼。她留言：「靜，即是一種休息，更是一種修行 。所有的煩惱，都來自喧囂，所有的傷痛，都來自於躁動。學習讓自己安靜，把思維沈浸下來，漸漸減少對事物的慾望；學會讓自我常常歸零，把每一天當作是新的起點。停一停追逐的腳步，緩一緩緊繃的心弦，讓心寧靜，讓傷口復原，讓靈魂昇華。」、「昨天不用開工的日子 +美好的天氣= 出海唄」
網上圖片
網上圖片
網上圖片
網上圖片
近期全港熱爆的Cantopop Party，殺出索爆女DJ！說的是一向有型格的何佩瑜（Jeana），原來她暗藏打碟技能，並已經悄悄現身好幾場Party客串做DJ，跟大班樂迷癲埋一份！
何佩瑜原來暗藏打碟技能！
提起去Cantopop Party，Jeana即刻眼仔碌碌，「之前特登去聽Beat Friday嘅Cantopop Party，氣氛真係好正！全場一齊大合唱，好似去咗巨型K房咁。啲歌都係香港頂尖金曲，好多回憶湧返晒出嚟，好似時光倒流返番八、九十年代，可以放低壓力盡情跳。」
何佩瑜
Jeana現身Party做DJ打碟並非玩玩下，原來已經有十年功力！「十年前已經學咗，都演出過幾次，所以今次pick up返都唔算太難。」問到忽然玩打碟原因，她一面滿足地說：「做DJ可以同大家分享自己鍾意嘅音樂同Remix，見到大家跟住跳真係好有滿足感！我平時喺屋企同朋友聚會都會客串DJ㗎！」
何佩瑜
提到打碟蝦碌事，Jeana邊笑邊說：「Halloween嗰次我想用《半斤八兩》壓軸，仲用mic同觀眾講：『以下呢隻歌大家都識……』點知播出嚟竟然係《皇后大道東》！哈哈，我笑到停唔到，居然記錯歌名！不過好彩《皇后大道東》大家都識跟住唱。」講到做DJ跟台下觀眾的分別，Jeana即刻認真mode，「做觀眾可以完全放鬆盡興，但做DJ就會有種責任感。做DJ嘅開心係嚟自觀眾嘅反應，見到佢哋玩得開心，我自己就跟住開心。」
大合照
大合照
身為張國榮多年fans的Jeana透露機緣巧合下，認識了一班張國榮的fans，眾人打算明年為偶像舉行「70歲生日會」，「我會負責打碟，打晒佢所有金曲，粉絲們都可以點歌，希望可以為偶像盡少少力啦！」
何佩瑜是張國榮多年的fans。
透露明年將與一班張國榮的fans為偶像舉行「70歲生日會」。
