元秋大戰彌明BB

立法會外面示威今晚不平靜，喺停車場的一邊又係另一場「大戰」，人民力量的袁彌明用座駕擋在立法會停車場閘前，很多建制派議員無法揸車離開立法會大樓。

彌明BB真係有計，將架車停咗喺度，就係唔肯開走，仲不停上截片段到Facebook，又出位啦。

建制派元秋就影番在車內的彌明BB，上演一場口水戰。

由於彌明BB企硬，保安同警員都冇乜計，有議員棄車，步行到會展附近再搭的士回家。不過，又奇怪喎，彌明BB唔係立法會議員，點解架車可以駛入立法會議員的停車場？

Ariel

** 博客文章文責自負,不代表本公司立場 **

係咪減少自由行，係近期社會熱話，傾到熱哄哄，就連特首梁振英前日開行政會議前，亦主動講到。但梁特首短短五分鐘講話中，有句說話原來暗藏玄機，唔知係咪呢排新聞多，無引起太多注意。

話說CY講到早前聽到的係一方面意見，過去兩、三個禮拜，開始有另外一種聲音出現，就係工商界同旅遊界，但最終點做，就要由返中央決定。

照字面睇，好似無咩嘢。但如果留心啲聽，講話中先後兩次講到「希望不會太遲」。有人就推測中央已經就收緊自由行的研究結果應該到咗幾乎收筆的階段，好快就會扑鎚，所以CY就開到聲，話「希望不會太遲」啦，咁就真係要睇吓遲遲唔發聲的工商、零售界人士，最後的「齊」發聲會唔會「太遲」。

正路推算，嚟緊6.22投票同7.1兩個關，自由行的決定唔似在7.1前公布，應該去到7月中先公布啩。

講開工商界，做過旅發局主席的田北俊又重提建議，將「一簽多行」改為「一日一行」，話打擊到水貨客之餘，又唔會影響真正的旅客。

但建議就被政府一巴打散。商務及經濟發展局局長蘇錦樑尋日喺立法會，回應議員質詢時提到，原來96.5%的一簽多行旅客本身已經係「一日一行」，純粹實施「一日一行」，對減少旅客人次作用唔大。

田大少話晒佢都做過旅發局主席六年，今次有啲唔熟書喎，定係自由行模式近一、兩年變太快？