林子健玩嘢有前科 玩轉超市仲話職員個心係支持佢

民主黨成員林子健發生釘書機釘大髀事件，林子健過去名不見經傳，如今一夜之間成為主角，網民人肉起底，發覺佢原來都幾識玩嘢，幾年前一班後生仔話反地產霸權，到百佳超市玩抗議，用銀仔找數玩殘百佳、惠康，原來就是林子健發動。

鏡頭所見十幾個年青人入百佳「買嘢」，全部裝滿手推車，然後用餘額不足的易辦事找數，要收銀員取消單據。又或者用大堆銀仔找數，搞到收銀員有排數。搞到找數櫃枱大排長籠，大起怨聲。百佳經理召警求助，該名經理更和其中一個帶頭者吵架。

片段最正是找了這班搞事者訪問，所有人都講「幾好玩」、「好爽」、「見到啲中產咁嬲好爽」(指超市排隊買嘢的人群)。

呢批人中最年長的就是林子健，他在分享事件時話：「我的感受是我好感動，有啲排隊的師奶或工作人員，其實佢地知我地做緊乜，同埋暗暗地支持…經理好嘢，經理勁呀，經理的戲做得好，如果唔係你，我地場戲唔會做得咁成功，多謝你，百佳的經理。」

片段所見，林子健儼然是這班人的大佬，相當玩嘢。

Ariel

** 博客文章文責自負,不代表本公司立場 **

小小超李澤楷旗下網媒STAKK大裁員。STAKK 主播 Jonathan 今日黃昏在facebook上直播自己被炒。

Jonathan手持解僱信話：「好不幸地，STAKK有大部分同事都要離開......君子分手，不出惡言，我係好鐘意STAKK」。

Jonathan手持解僱信

影片所見，好多STAKK員工正在執野走，有員工於鏡頭前大叫：「我哋全部都被人炒哂喇。」又提醒一個今天沒有返工的員工，下周一不用返工。

STAKK 在今年6月大規模裁員之後，STAKK行政總裁勞敏琪表示不會再有裁員計劃，但相隔一個多月就再大規模遣散。公司高峰時期員工有90多人，6月裁走24名IT部員工後，不斷有員工離職，今日又出現第二波大裁員。

STAKK的facebook專頁有75萬粉絲

STAKK如今裁走做內容、攝影、製作、設計等部門員工，只剩數名後勤員工，未知會否營運下去。

Stakk Factory Limited

小小超近兩年前注資千萬美元（7800萬港元）入持有《信報》的信託基金，創立Stakk Factory Limited，料不到這麼快就手起刀落，止血斬纜。外界估計STAKK一年虧蝕近5000萬元。