【陰險小人要提防】

撰文：柳炳@香港兔蘆術數學會

每間公司裡總幾個可惡同事。他們不是能力有問題，但總係正事不做，一日到黑唔聽人講要耍小聰明，甚至想着陰謀詭計。有時俾個氹你踩，或滿口謊言，或背後不停說人壞話。可惜壞人不會預早通知會害你，而且他們多是世界仔，平時份人仲幾好，而我地往往要中左招先知佢地真面目。

但所謂相由心生，一個人的個性多少會反映在面上。懂一點面相知識，對預防身邊一啲心術不正的人好有幫助。以下幾個都是所謂奸人相特徵。

1. 眼珠細，三角眼而有神

相人要先看眼。眼神呆滯，欠缺焦點，長期看似睡眠不足者，多是豬隊友，就算想害人都難成氣候。而眼帶神的話，會再看眼珠及眼型。一般眼珠細的人較理性，欠愛心，少有感情用事，如果再加上三角眼型，表示其人善計謀，隨時有能力搵人笨。

2. 鼻彎或咀歪

所謂鼻有三彎，其人必奸。當你正面望一個人，發覺他的鼻骨不是生成一直線，而鼻頭明顯向左或右彎曲，便要小心。有此特徵的人多數較古惑，心術不正，平時最好避之則吉，盡量減少和這種人合作。另外咀歪的人說話欠誠信，亦都信唔過的。和他們共事，通常開會時都頭頭是道，但工作不會有實際進展，到臨近交貨死線又會有很多借口，最後除時要做埋佢嗰份！

3. 吹火咀

從側面看一個人，如果發現他的咀在一般狀態下都長期du起，便是吹火咀的相。這種人可以話吹水唔抹咀，平時會講到自己如何如何了不起，但真正做事時郤另一回事。另外他們特別喜歡背後說人是非，會將他人的過錯無限放大，而且不厭其煩的傳頌。

在公司同事，合作夥伴間，多留意有沒有以上的特徵。始終防人之心不可無，因為你的老闆、上司未必一定英明會知道何人累事。

#Facebook專頁
#香港兔蘆術數學會
#Yahoo #ElleBlog #痞客邦 #微博客 #巴士的報
#玄學 #八字 #術數 #面掌相 #占卦 #文王卦
(相片來源：互聯網)

香港兔蘆術數學會

** 博客文章文責自負,不代表本公司立場 **

有朋友問我可唔可以幫手擇日生仔。
我冇幫手，原因我都唔識。但我同佢解釋生仔時間好難處理，就算比你計算好預產期內生，都好難計算生產時候可能會發生既事。所以我比4個大字佢 - - 順其自然

依家科技幾先進都好: 樣貌，性別，名字可以改，但一個人出生的年月日時，就係改變不到。八字成日講既 "你條命生成咁" 就係咁解，八字係用上你出生的年月日時黎計算。古語有云: 一命二運三風水四積陰德五讀書，排第一係 "命"，係改唔到。

身邊朋友有時會問我算命，有人30歲踏入黃金10年大運財年，我當時話 "你就正喇，10年財呀"，之後半年，見佢事業大好, 已經有樓有車。心中正有一張圖片表達當時心境 - - "很想要吧!" 但有個好命，都要肯出力做先有財呀 !!!

全球好多人都係相同既出生年月日時出世，"個個都好命, 唔通個個都好命咩"。睇到依句，又會唔會想起初哥哥咁深思既情境? 一個人既出生好受當地社會環境影響，環境差但命好, 環境好但命差, 你會點揀?

八字命盤可以話比你知一生可能一兩成既事，好Marcoscopic，其餘既八九成好大可能受後天培養同環境因素而改變。思想、行為、價值觀等等都可以透過讀書，家長去學習去改善。

講左咁耐，唔係想你地覺得八字係廢，冇用......只想大家知道比較起後天修為，唔好過份 Focus "好命" 同 "唔好既命"。

歎返杯紅酒先 !!

下次再會
Ir 威尼斯

#Facebook專頁
#香港兔蘆術數學會
#Yahoo #ElleBlog #痞客邦 #微博客 #巴士的報
#玄學 #八字 #術數 #面掌相 #占卦 #文王卦
(相片來源：互聯網)