香港搞地產的精英不少，但搞出新意思的就不多，近年比較觸目的就只有K11創始人鄭志剛（Adrian）。Adrian開發的多個樓盤都有新創意，注入不同的藝術元素；在商場方面，尖沙嘴的K11就將文化藝術與零售融為一體，格調與別不同。
Adrian更積極利用K11這個平台推廣藝術教化，舉辦藝術空間工作坊、藝術家駐村項目等，又引入各種著名設計品牌如足球員碧咸的妻子、獲英國時尚品牌最佳設計獎的Victoria Beckham的品牌實體店，近期又將紐約街嘻哈（Hip-hop）文化的潮爆品牌Off-White和Supreme引進K11。
不過唔好以為Adrian品味高檔，唔識大眾文化，你估佢唔到，原來Adrian對時下流行的電子競技，亦有研究，現在要大力參與埋一份，更加想引領電競新文化，注入電競革新零售模式。
今次Adrian利用K11已經打造的跨界設計平台，以及K11已進駐香港及內地主要城市的地利，透過K11與亞洲移動電競一線研運商「英雄互娛」合作，將電子競技由線上拉往線下，率先走入群眾的日常生活之中，在K11開發VR體驗館、電競娛樂互動區，既可利用電競、創新科技革新商場體驗，其想像與發揮空間，不容低估。搞搞吓Adrian變身做跨界創意文化企業家。
電子競技非常hit，而且已成為大眾文化的新動力，據市場研究公司Newzoo估計，2017年全球電競市場規模將同比增長41.3%，達6.96億美元，到2020年更會突破15億美元（117億港元）年收入大關，增長速度急速，電競將成為一種愈來愈普及的運動。
電子競技目前仍局限在線上，但未來的發展必然由線上走向線下，融入大眾日常生活之中，可以是社交活動的主題如一齊睇、一齊玩，其文化影響力更不容低估，可以成為各種衣履生活用品的設計元素，可開拓各種副產品。睇嚟Adrian率先殺入電競界，有其獨特的生意眼光。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
