南韓學生運動

袋鼠曾經批評周南出動解放軍言論，在香港本身有法治機制，照計就算有暴力事件，紀律部隊都會有應變機制，無可能需要出動解放軍，更唔會有天安門失蹤人口嘅情況…

假如香港玫治爭駁，不幸發展成暴亂，下戒嚴令時將會好大鑊；但就算去到這個地步，都依然繼續係警察事務，唔使出軍隊… 應該好多人還記得，香港八十年代的球迷暴動、的士罷駛暴動 (唔記得當時彌敦道有沒有局部戒嚴呢？) 雖然都來不及左仔在五十年代後期、或六七年的暴動般血腥，但香港的日子也是如此渡過了吧！

以香港嘅學生、後生一輩嘅情況，六四事件不是可作參考嘅歷史… 最好參考的歷史，是80年代中期嘅南韓學生運動，如何被政客利用。

簡單而言，當時軍政府統治，學生要求反貪及選舉，據聞當時學生示威係較準時間，好使美國電視台晚間新聞有片睇… 後來選舉爭取到了，除了之前一個由前軍政府總統全斗煥欽點嘅盧泰愚參選，而所謂民主派就另外走出兩個侯選人參選，結果兩個民主派候選人分薄選票，最終都係選咗盧泰愚，迎接漢城奧運。

當然，南韓學生是否浪費了熱血？ 一半一半啦，選舉就是有了，但現在南韓經濟體系中，絕大多數人，還不是直接或間接勞役於幾大家族企業之中，軍政府時代遺留的產物？而且當時選出盧泰愚的一刻，大慨過半南韓人，應該覺得被一些所謂政治領袖玩死吧！

而家泛民各為其政，有部份更自把自為，加上2012年立法會選舉分薄票源嘅情況，尚無檢討及妥協嘅共識，俾佢班友直選都選唔入啦！在大多數外國嘅選舉，獲全民六成選票已經叫做『landslide』(大獲全勝)架嘞，但泛民班友竟然在2012嘅直選席位只係贏多一席，死唔死得？

要講公道說話 (只係袋鼠角度而言，其他觀點可能唔同意…無相干…)，都講得七七八八，與此同時，與其自己嚇自己，倒不如講到成個香港死硬，嚇吓其他啲唔諗嘢嘅股民、及唔受得嚇嘅芬佬，嚇到所有人都瞓唔著，袋鼠同你跟主席一齊沽低個市，再睇底位撈貨… 呵呵~~

有人真係怕，沽完期指，再買張機票去東南亞、或日本南韓旅行囉！呵呵~~

大笨袋鼠

** 博客文章文責自負,不代表本公司立場 **

俄羅斯總統普京，之前藉住當地俄裔人的支持，成功奪回克里米亞，保得住俄國的一個重要的軍事基地。然而除克里米亞，看烏克蘭東部亦有俄裔人，同樣希望那部份彊土，可以納入俄國版圖。

除了一個個前華沙公約國投入西方懷抱，在俄國大門口前的波蘭，更被北約集團用作部署飛彈防衛網，對普京來說，莫不是老虎頭上釘蝨乸？若果在烏克蘭再重蹈覆撤，老子面目何在？

所以當前親俄烏克蘭總統被迫下台，唯有乘著政治真空，來一個閃速公投來保住個克里米亞軍事基地 - 自己泊俄國軍艦，好過俾佢美國佬放飛機、飛彈。除此之外，普京另一個目標，大慨就算是烏克蘭想向北約投懷送抱，也不容許北約有駐軍的可能。 這其實不難理解，美國人只要記得五十多年前的古巴危機，道理同出一撤。

其實普京的要求十分明確，西方國家又點會唔明？在地緣政治層面，北約集團沒有甚麼損失，烏克蘭亦沒有足夠價值要去為佢付出，所以奧巴馬亦一早否定出兵的可能性，制裁亦相對象徵式，其實只是向普京明確的要求，作出明確的回應。

也許普京在烏國親俄政權被推返的當日，給那班俄裔族人支持，作為一個權衡烏克蘭政局的對沖 - 假若北約強行納入烏克蘭，也不會讓他們可以有穩定嘅烏克蘭來佈陣。

現在問題在於，普京已得到他想獲得嘅地頭及局面，克里米亞的俄裔子民，得到普京大哥照顧了，但其他身處的俄裔遺孤，還想有同樣的看代，烏東的遺民也自行公投表決了。而家普京一方面要求烏克蘭軍隊停火來保住班馬仔條命 - 普京唔可以放棄班曾經為自己賣命嘅馬仔，但卻又唔見班馬仔願意放下武裝、放棄回歸俄國夢。

而家普京啲馬仔想烏克蘭回歸俄羅斯，超出了普京和北約的共識；重普京藉著D-day嘅70週年紀念，不單和奧巴馬及德國總理默凱爾作短暫會面，更和烏克蘭新選出總統詳談… 看來對普京來說，最難溝通的倒不是西方政要，而是身處烏克蘭嘅親俄武裝份子！