海洋公園慘劇死者唔係俾棺材板打死 而係俾成副棺材挾死！

海洋公園「哈囉喂全日祭」發生意外，一個21歲男仔玩鬼屋「活埋凶間」時，意外弄傷頭部昏迷，送院不治。玩鬼屋玩到死人，大家原本以為佢係瞓棺材時俾棺材板挾死，但後來發現唔係咁樣。

被禁閉在棺材裏面的恐怖場面，有少少似驚悚電影《活埋》。不過現實有時比電影更戲劇性，呢個死者的致命原因亦都曲折離奇。

驚悚電影《活埋》劇照

海洋公園事後解畫，指男事主進入「活埋凶間」5分鐘後出事，被發現時是在該景點內的後勤設施昏迷，送院後不治，該後勤設施是一般工作人員進入進行維修的地方。

海洋公園講啲唔講啲，令人唔知道死者出意外的真正原因。

活埋凶間

據消息人士話，男事主並唔係瞓喺棺材裏面被挾死，亦唔係比棺材板跌落嚟打到個頭。「活埋凶間」的玩法是瞓在棺材之內，由第二層滑落下一層。

消息人士指警員在場初步調查後，懷疑男事主躺在一個棺木內，由第二層滑落至下層時，本來無事。但他起身離開時，按現場指示應向左行離開，但懷疑男事主行錯路，走向右方，行入後勤設施內，剛巧另一副棺木由上層滑落，就成副棺木擊中男事主。

有一說法話男事主被下降的棺木夾中頸部，相信死者因窒息致死。

但海洋公園的「活埋凶間」可以咁容易比使用者行入去危險的後勤設施內，整個項目的管理都好有問題。

Ariel

** 博客文章文責自負,不代表本公司立場 **

在梁國雄和劉小麗宣布就DQ案上訴後，政府馬上宣布先就其餘不再涉官司的議席，在明年3月11日舉行立法會補選，意味三個直選選區補選各選一個議席，變成「單議席單票制」。建制派大感不滿，連日重炮轟政府的補選安排。

今次補選涉及新界東的梁頌恆、九龍西的游蕙禎、香港島的羅冠聰三個地方選區議席，加上姚松炎的一個功能組別議席。民建聯主席李慧琼在補選安排公布當日已經話，對於這次補選安排非常失望，因為兩次補選如果在短時間之內分開進行，即會擾民，又非常浪費。

李慧琼話：「選管會在未完成法律程序下，匆匆決定『3.11』進行補選，將補選安排分開，我們感到非常失望。如果那兩宗未完成的官司在『3.11』前完成，其實選管會應該合併補選。如果不是，『3.11』選完後，很短時間又進行第二次補選，都是擾民及非常浪費。」

建制派另一個猛轟的原因是3.11與全國人大和政協兩會召開時間「撞到正」，他們要到北京開會，難以分身助選。港區人大代表、民建聯葉國謙批評選管會的安排奇怪、不理想，指補選日子正值兩會召開，要求選管會認真考慮改期，調前或押後一星期，都好過現在安排，推遲一星期都不見得有大影響。

據悉建制派對政府這次分開補選的安排非常不滿，講起這個話題有大「一點就著」的味道，毫不客氣地批評政府。恐怕事情不易善罷，需知補選撥款要過立法會，你估撥款係唔係咁易過關呢？