政事
立法會仲有兩星期就復會，按過去慣例，建制派與泛民照慣例要傾各委員會主席副主席點樣分餅仔。
雙方昨日開會，聞說建制派建議沿用去年嘅做法，18個立法會事務委員會中，泛民做6個委員會做主席，建制派做12個主席，另外泛民亦可似在十幾個委員會做副主席，不過好似政制事務委員會呢啲敏感委員會，正副主席都由建制派做，過去亦係咁樣。
今次講數特別之處是泛民和本土派被DQ咗6個議員，失去6席，各方關注建制派會否要求坐更多委員會主席，但結果佢地無咁做。
建制派打開口牌同泛民講：「我地無趁你病，攞你命。」唔知建制派係唔係都想搞吓和解，唔想同泛民鬧得太僵。
Ariel
** 博客文章文責自負,不代表本公司立場 **
《壹週刊》原定昨出版埋賣盤交易完成前的最後一期，就交俾買方黃浩接手，但最後關頭又現變數。壹傳媒昨晚發通告，指交易日期延至10月底。問題是壹仔下期書是否交俾黃浩做呢?
據《蘋果日報》報道，交易延後是因為買方黃浩盼等待台灣投審會完成審批，才完成買《壹週刊》的交易。
《蘋果》話《壹週刊》新班子如期正式運作，70名原員工過檔新公司，下期雜誌基本上會由黃浩旗下新班子全權負責。《壹週刊》總編輯黃麗裳將留守至下月15日的交接安排，不會改變。在10月31日交易完成前，在法律上《壹週刊》仍由壹傳媒持有，但由下期開始的《壹週刊》基本上已由黃浩旗下新班子全權負責，黃麗裳不會再過問週刊內容。
E+娛樂預告併入《壹週刊》
另外黃浩自己的E週刊出埋今期後，下期將不再出版。《E週刊》發行商已通知報販，《E週刊》出埋今期第100期後，將會停止發行。所有回書自10月5日起回收，逾期回收不會受理。
E+娛樂即娛樂書將併入《壹週刊》，今期E+娛樂封面亦寫明今期係「100期完滿號，下期強勢併入《壹週刊》。」
