泛民內哄 區會補選自己打自己

中西區區議會的山頂及東華選區，因原任區議員陳浩濂和蕭嘉怡加入政府而懸空，補選將在11月26日舉行。中西區東華選區反對派候選人內訌，民主黨伍凱欣、中西區關注組羅雅寧均可能出選。

在反對派之中，中西區關注組羅雅寧服務東華選區時間最長。而民主黨最近兩屆都有出戰東華選區，但敗給建制派候選人。早前被DQ議員姚松炎亦想過參選，並認為民主派可考慮在該區進行民調，或以提名數目多寡，決定出戰人選。

但近日姚松炎決定撐羅雅寧出戰。上周六羅雅寧在上環太平山街設街站，姚松炎、灣仔區議員楊雪盈及前灣仔區議會主席黃英琦都有到場支持。

保育派羅雅寧出選，也搵民主黨傾過，但講唔掂數，民主黨伍凱欣去馬意志堅決，不肯讓路，兩人好有機會鬥快報名，打正旗號開工拉票。

反對派若有兩個人選，對建制派比較有利。該區除羅雅寧、伍凱欣之外，新會商會學校校長呂錦強及新思維候選人，至少有四人可能參選。

Ariel

** 博客文章文責自負,不代表本公司立場 **

上任3個月特首林鄭月娥不斷四圍飛外出訪問，返港又出席多公開活動，終於捱到病啦！

林鄭昨日早上先去鄉議局出席國慶活動、下晝新聞界國慶酒會，在酒會時把聲已經有鼻音，佢話過去3日有病在身。中聯辦主任王志民話林鄭有感冒，叫大家畀掌聲支持佢。

林鄭出名好打得， 但點打法無乜人留意。有官場中人爆料，話林鄭可以一日出席10場活動，你想想即使每場活動現身講兩句，都會累到死啦，只係佢至頂得順。

林鄭日頭到處跑，不是晚上不做事，佢晚上回禮賓府再開工，所以不少工作指示，都是三更半夜才發出的。林鄭雖然是鐵人，但鐵人都會做到病，都係要小心身體呀。