軟外交的魅力

習大大打破傳統，成為最高領導人後，唔係先去北韓後南韓，而係去咗南韓訪問，未知幾時去北韓，外交界就話係北京要拉南韓對抗美日。

可能怕呢啲話題太沉重，習大大今日去首爾大學演講講番句韓語打招呼：안녕하십니까(網友話呢句问候是韓語敬中最高級別)，將親民作風帶出國外。但講到軟外交囉喎，就要夫人彭麗媛出場，佢被拍到著住便服去咗shopping，地點當然係首爾的著名行街勝地東大門啦，仲買咗個蛋糕俾老公食，唔通南韓安排的膳食冇蛋糕？！

講到熱爆網的話題，當然要數韓媒大爆習夫人話後生時的習大大，好似《來自星星的你》的都敏俊，呢句話即刻引起網民議論，意見就有啲唔不同，有人話唔似，有人就話眼細細都幾似，毛拍手都覺得好難講。專特搵咗網絡達人幫吓手，將習大大後生的相同都教授拼一拼來睇，睇睇吓，就忽發奇想，不如做小小PS改圖呀，將習大大的臉型收細啲呀，再唔係加埋都教授的流海頭呀。各位自己睇以下幾組圖：

原圖

改圖後(習大大臉型瘦少少)

改圖版(習大大換上都教授髮型)

呢張相又點睇？

似唔似各花入各眼，習夫人輕輕一句話，引發大家討論，睇嚟軟外交今時今日真係幾重要架，不過，毛拍手就發現習夫人的原話係：「我和女兒一起看習主席年輕時的照片，覺得很像《來自星星的你》的主人翁都敏俊。」原來係「女兒話」，第一小姐習姑娘都同普通少女一樣，睇韓劇當然唔出奇，覺得阿爸似都教授亦都好自然的事，更自然係習夫人帶出阿女的角色。

據見過阿女的朋友話，習姑娘亭亭玉立，眉清目秀，早已告別細路女時的baby fat，又係哈佛生，話唔埋，習姑娘未來仲係習大大另一張軟外交的皇牌。

一家三口與習仲勛(坐輪椅)的舊照

毛拍手

** 博客文章文責自負,不代表本公司立場 **

今日下午近三點，正確啲來講係14:59，中紀委網站連發三條通告，公布三位仁兄上「榜」，此榜不是英雄榜而係墮馬榜，原海南省長冀文林、中央政法委前副辦公室主任余剛、公安部譥衛局一名叫談紅的參謀，同一分鐘內被宣布開除黨籍及公職。

呢三位人兄，除前海南省副省長冀文林外，其他兩位冇乜資料可查到，但呢三個連發的公告，喺中南海行走的人一睇就心領神會，三人同樣都係油老虎周永康身邊紅極一時的大秘書。

冀文林曾擔任油老虎秘書長達十年，關係密切程度唔使多講，由國土資源部到四川，再到公安部、政法委，跟住老細貼身打點大小事務。余剛則公開資料唔多，油老虎做公安部長時，余剛的名字開始出現喺周永康身邊，傳聞話，油老虎退休時，最後一任的大秘書就係余剛。

好快會郁周永康

至於談紅，就直頭冇公開資料，只得中紀委公布的幾隻字「公安部警衛局原正師職參謀」，係咪聽完都唔知咩職位，毛拍手都識唔少內地朋友，有啲出入中南海的人就話睇得明但唔方便講，簡單嚟講即係負責油老虎保安的秘書啦，此一談紅，毛拍手之前都寫過，此君得志時行走「海」中，是一位風風火火的人物。

嘩，中紀委同一分鐘宣在三人「死期」，即成京城政壇熱話，加上同油老虎關係密切的蔣潔敏、李東生前兩日被開除黨籍。毛拍手收到勁料，話中央好快會收油老虎周正康呢張網，只差公布時機啦。