行政會議成員李國章接受劉慧卿網台節目「議會內外」訪問，亞瑟王李國章除了引述他質問港大校長馬斐森的whatsapp對答，反擊所謂中聯辦干預港大的說法之外，亦有提到律政司司長鄭若驊的僭建事件。
李國章(資料圖片)
卿姐問李國章，「你都做過問責官員、行會成員，上任前的品格審查有無問吓你，有無僭建?」卿姐話如果鄭若驊答自己無僭建，真是抓破頭也不知她為何如此。
鄭若驊(資料圖片)
李國章話相信品格審查時應該有問有無僭建，佢估鄭若驊答「無僭建」，可能佢真係唔知道自己間屋有僭建。
李國章忽然提到馬時亨的例仔，話大家都睇過馬時亨當年上任不久，發生仙股事件，馬上被人鬧得好緊要，但之後大家都見到，幾年之後馬時亨的工作表現非常好，而家都做得非常好。
馬時亨(資料圖片)
卿姐就話，「咁你即係叫鄭若驊學馬時亨，馬時亨我知道你睇緊，咁你就要過幾招比鄭若驊。即係叫佢要跌咗落地底，慢慢爬返上嚟。」李國章話，最緊係要睇下鄭若驊法律方面的表現，睇佢係唔係維護香港的法治，這樣非常重要。
亞瑟王真是高手，抬出馬時亨這個敗部復活的成功個案，去撐鄭若驊，相信馬時亨見到人地提及他的傷心往事，也不會太反對，因為亞瑟王贊佢而家做得好好嘛。
Ariel
** 博客文章文責自負,不代表本公司立場 **
快將離任的港大校長馬斐森早前接受《南華早報》時，話在港大經歷過一些黑暗的時刻，又指任內經常與中聯辦對話，對方經常向他給予建議。人稱亞瑟王的港大校委會主席李國章大力反攻。
李國章出席劉慧卿主持的網台節目《議會內外》，講到港大就話《南華早報》做「假新聞」(fake news)，話自己從未聽過馬斐森受中聯辦干預，看過南早報道後，立即向馬傳短訊，要求他詳細解說及澄清。
李國章在節目中讀出馬斐森的回覆短訊，馬斐森向李國章稱自己被《南華早報》錯誤引述，強調自己被記者問及是否經常在壓力下工作，就回答經常如此，馬斐森同時指自己曾接獲中聯辦意見，並非説干預而《南華早報》將兩者混為一談。
李國章否認港大受中聯辦干預，認為「唔可以溝通就話係干預，唔溝通又話唔溝通」。
亞瑟又否認自己沒有跟馬斐森談續約。馬斐森對南早話他的校長合約原定在2019年才結束，決定提早離開港大，部分原因是其5年任期已踏入第4年時，仍未獲校委會主席李國章傾談續約事宜，令他感到不確定。
李國章反駁話，無人想炒馬斐森，馬斐森在任第二年已向他提出，希望續約多5年，李國章稱當時言之尚早，最少要去到第3年半、第4年先傾，李國章強調馬斐森在2017年1月請辭，當時馬在任尚未足夠3年。
馬斐森做港大校長兩年多就搵工跳槽，俾港大教職員評擊，就接受南華早報訪問想開脫。不過亞瑟王李國章亦都唔係善男信女，唔會俾你側側膊就咁講咗過去，所以就出嚟大力反駁。
