馬丁講嘢漏洞多

貝貝好耐無出洞，但係睇完黎智英捐鉅款俾泛民單嘢，睇埋肥佬黎、李馬丁、陳四萬的回應，真係忍唔住要開口。肥佬黎話佢一條心支持泛民，反問捐錢推動香港民主「有乜錯？」批評有人刻意針對捐款來源，製造白色恐怖。李馬打也形容，此爆料手法為中共向來慣用的「白色恐怖」，泛民為了保障捐款人不被中共針對，不會評論任何捐款者詳情。

馬丁講嘢的最大漏洞係其他商家怕共產黨唔奇，肥佬黎在大陸無生意，怕乜嘢共產黨? 點解肥佬黎捐錢俾泛民唔可以公開，即使泛民政黨唔公開，肥佬黎都應該主動公開呀嘛，做乜咁鬼鬼祟祟? 公開咗等我地聽到泛民批評商家唔落廣告俾《蘋果》時，識得判斷議員啲批評客唔客觀嘛。

話佢地鬼祟真係俾面咗佢，成件事的回應就係一場政治化裝，肥佬黎唔敢上其他人的電台，就在自己夥記李慧玲的節目上解話，搵咗兩個退休人士馬丁和陳四萬上其他電台上講，首先係肥佬黎唔敢面對真正的公眾，而點解「退休人士」咁關鍵，因為馬丁和陳四萬退咗休不再是議員，不是公職人士，佢地收錢無犯法問題，點講都得，其他收錢議員係公職人士，怕講錯嘢，就先保護一下。咁你話呢個係唔係佢地成日批評的公關騷? 若然心中無鬼，為何不可公平公開，所有俾錢收錢的泛民一齊出來向所有人、所有記者交待?

成件事愈睇愈火滾，號稱愛民主的肥佬黎，去緬甸和什麼人做生意，大家又知唔知? 在網上輸入「緬甸軍政府」，可以搵到好多料，係咁依俾一兩條link大家睇睇:

http://hk.aboluowang.com/2007/0928/57105.html#sthash.FMeZ9eFO.dpbs

http://hk.aboluowang.com/2007/0927/57061.html#sthash.IR7Rg5a2.dpbs

好似記得肥佬黎批評過李鵬，唔知佢而家在緬甸起酒店同邊個打緊交道，同邊個握緊手? 我好有興趣知道，以肥佬黎一向宣揚的政治道德標準，佢搵咗呢啲錢瞓唔瞓得著架。

貝貝

** 博客文章文責自負,不代表本公司立場 **

阿爺出二萬幾字白皮書又講管治權？搞邊科? 本土派後生仔，因為年輕，不知管治權對阿爺有何意思。上年紀的香港老鬼，經歷過香港前途談判的歲月，對此一點不陌生，它是中英兩國就香港問題鬥爭的核心。

  

八十年代初，中英談判香港九七年後的地位。英國爭取保留香港作殖民地不成功後，曾經向中國提出，以主權換治權。即是根據鴉片戰爭後簽訂的幾條中英條約，香港的主權，九七後可交回中國，但治權仍保留給英國。

 

已故中國領導人鄧小平斷然拒絕這個建議。認為無論主權治權，九七後中國將一併收回，但會實施「一國兩制，港人治港，高度自治」政策。中國不是阿根廷，香港亦不是福克蘭群島，縱使英國首相是有鐵娘子之稱的戴卓爾夫人，衡量過現實政治的制肘，無奈作決定，把香港的主權和治權，都交回中國。而中英談判過程中，北京亦排拒港人代表參與，認為這是國與國的交涉，不承認港人可以加把口，話咁樣就係「三腳凳」。

 

英國要在九七後交俾香港俾中國，佢亦無咁順攤。保留其影响力，維護其在港利益，是英國的國策。退而求其次，英國暗渡陳倉，提出為香港建立一套「權力植根於香港的政治架構」，推行民主化，成立區議會，為立法會引入選舉制，培植政治領䄂，意圖把管治權交給和她親近的香港精英。

英國單方面推行民主化，遭到北京堅決反對。九十年代肥彭來香港做港督，更想把民主化進程加快，中國就提出以銜接基本法，平穩過渡為名，逼使英方就政改問題，跟北京磋商，最後不歡而散。九七前中國管唔到，九七後政改阿爺就唔輕易放。

中英鬥爭的核心，是管治權，英方遏抑中國在香港影响力的方法，是民主化。明乎此，新鮮出爐的白皮書，老鬼讀來，自然是熟口熟面。

近期泛民好多唔肯去上海，又唔入中聯辦同阿爺傾政制，但就高高興興去美國，去英國領事館同番鬼佬講政制。呢啲做法踩正阿爺神經線，神經線背後就係底線。阿爺同英美點樣在外交上角力，香港人無留意，睇唔到，但就靠近外國，想借外力向阿爺施壓，不斷踩過底線，阿爺發火，也是必然結果。