停放煙花是否攞分見仁見智

大埔發生致命巴士車禍後，特首林鄭最後在周一決定，停放年初二煙花，是次決定泛民讚好，但也有反對聲音。

政府決定停放煙花之後，泛民議員毛孟靜就在臉書專頁上，貼出帖子，登出民主派議員要求政府取消年初二煙花匯演的信件，大有攞彩的味道。有評論認為，政府果斷決定，停放煙花，應可攞分。

圖: 毛孟靜facebook

不過，政府取消煙花匯演，亦都打亂好多人的部署。有網民在網上留言，話佢嘅好朋友爸爸末期癌症，得幾個月命，成世流流長未嘆過，好朋友一年之前，為滿足爸爸最後心願，在北京道一號，訂了個窗邊煙花景廳，同爸爸食最美麗晚餐，價值兩萬。而家取消咗煙花，朋友的心願，亦都無辦法達成。

另外唔放煙花亦都唔等於好環保，或者節省了金錢，因為今次本來打算放的28999枚煙花，亦都要善後處置。負責放煙花的製作公司會和政府商討，如何銷毀煙花的安排，按2014年10.1取消放煙花後的安排，是在大鴉洲以點燃方式，銷毀煙花，今次估計都會用類似的做法。

另外，煙花放唔成，一眾煙花船河活動，或者相關的旅行團或酒店訂房，都要取消，究竟可唔可以退錢，而家仲未搞清楚。

政壇八卦友就話，取消農曆年放煙花，表面睇好似取消歌舞升平的活動，可以博得掌聲，但亦都有好多人受影響，亦都會有一些罵聲，埋單計數，取消煙花對政府民望亦都唔會有太多着數。

Ariel

** 博客文章文責自負,不代表本公司立場 **

年近歲晚，唔少報章雜誌都會搵堪輿學家推敲一下狗年運程，除咗講吓名媛明星運程，有啲連主要官員局長的運程都講埋，其中三耳局長聶德權就被指來年推行政策時會被捱打，但靠勤力頂得住。

Ariel近期都有留意三耳局長的Facebook專頁，佢都走訪咗好多大灣區內的珠三角城市，在香港都無閒落嚟，今日就去咗東華三院為性小眾及其家人、朋友，設立的24小時性小眾支援熱線「同‧一線」。

呢個項目原來係由三耳局長的政制及內地事務局資助設立，上月27日開始運作，投入服務約兩星期，共為約70名查詢者提供輔導服務。

上星期，三耳局長又去到深水埗基督教關懷無家者協會吃團年飯，咁啱五年前的同一日，當時做緊社會福利署署長的聶德權亦係在深水埗基督教關懷無家者協會，同一班「無家者」朋友聚會。

未來一段日子，三耳局長要處理比較敏感的議題係就國歌法進行本地立法，呢場仗都唔係容易打，睇嚟佢都會繼續勤力作風，去頂住啦。