博客文章
年近歲晚，唔少報章雜誌都會搵堪輿學家推敲一下狗年運程，除咗講吓名媛明星運程，有啲連主要官員局長的運程都講埋，其中三耳局長聶德權就被指來年推行政策時會被捱打，但靠勤力頂得住。
Ariel近期都有留意三耳局長的Facebook專頁，佢都走訪咗好多大灣區內的珠三角城市，在香港都無閒落嚟，今日就去咗東華三院為性小眾及其家人、朋友，設立的24小時性小眾支援熱線「同‧一線」。
呢個項目原來係由三耳局長的政制及內地事務局資助設立，上月27日開始運作，投入服務約兩星期，共為約70名查詢者提供輔導服務。
上星期，三耳局長又去到深水埗基督教關懷無家者協會吃團年飯，咁啱五年前的同一日，當時做緊社會福利署署長的聶德權亦係在深水埗基督教關懷無家者協會，同一班「無家者」朋友聚會。
未來一段日子，三耳局長要處理比較敏感的議題係就國歌法進行本地立法，呢場仗都唔係容易打，睇嚟佢都會繼續勤力作風，去頂住啦。
Ariel
** 博客文章文責自負,不代表本公司立場 **
大埔發生致命巴士車禍，而頭七正好是年初二放煙花的時候，而家有聲音叫政府停放煙花，但政府的回應就比較審慎。
年初二煙花(資料圖片)
不同黨派都有人支持取消，民主黨胡志偉話，九巴意外有災難性質，元旦煙花已於不久前才上演，望政府以同理心處理事件，取消煙花。而身兼行會成員的工聯會黃國健亦話，要理解現時社會氣氛悲傷，不適宜舉辦歌舞昇平的活動，他個人評估取消機會頗高。
不過政府就暫不回應，特首林鄭會日見傳媒時，兩次被問到會否停辦今年煙花匯演，她亦指現時優先工作是支援死傷者家屬，未有正面回應是不取消。
在2012年因為放煙花出現南丫島海難，之後曾經停放國慶煙花兩年。但係今次車禍情況不同，與放煙花無關。加上年初二放煙花不止係旅遊盛事，亦都係本地市民的慶祝節目，所以是否停放政府有點猶豫。
由於巴士發生大車禍，市民暫時還在哀傷的感覺之中，從捐血的人龍可知，所以而家反對放煙花的聲音，即使不是多數，亦都會相當強烈。
不過細心觀察網上的留言，亦都會發覺其實好多市民唔係太贊成取消過年煙花。不過問題是政府若決定繼續放煙花，就一定會有激烈的意見出嚟鬧，所以如何處理都係一個兩難題，其中一個做法係採取拖字訣，拖多一日半日，睇睇點環境先。
