今日讀完《蘋果日報》老總沙膽虹的「沙膽虹手記」，見到他就一個《蘋果》的評論道歉，覺得在現今傳媒生態下，這種行為都算有承擔了。
事緣地政總署助理處長林嘉芬發生錦田農購地耕作事件，無綫新聞部上周三派一個實習記者前往林的農地採訪，巧遇正在耕種的林嘉芬，就訪問了作報道。壹傳媒的《壹錘定音》節目主持李慧玲在午間節目馬上質疑是「明顯造假」，淪為傳聲筒，宣傳工具。《蘋果日報》用了一條即時新聞出街：「《壹錘定音》主持李慧玲痛斥，今次無綫新聞喺元朗農地『巧遇』地政高官係明顯造假。……今次無綫新聞派實習記者做這場公關騷，點對得住對傳媒工作有憧憬的實習記者？」
沙膽虹後來覺得不妥，認為如果連蛛絲馬迹都沒有，那是臆測多於是評論。他見到無綫新聞同行在facebook留言還有一句說：「我替這位(實習)同事惋惜，未正式出道，就接觸到如此醜惡的現實社會。」沙膽虹話「心有戚戚焉，在此謹代表蘋果動新聞向實習記者和無綫新聞部致歉。」
沙膽虹文章可見: http://goo.gl/SLi7CS
貝貝經常見到《蘋果》以「CCTVB」的花名砌無線，砌得多自己都信了，陷入一個「係又砌唔係又砌」的「最高境界」。好像這個林嘉芬事件，又是睇住條新聞片就硬砌。正如新聞陳年說法:狗咬人不是新聞，人咬狗才是新聞。《蘋果》咬人不是新聞，《蘋果》道歉才是新聞。新聞機構搞錯了道歉，要很大勇氣，今次沙膽虹為即時新聞引用錯誤指控道歉，都是一件好事，起碼令實習的小朋友，覺得人世界不致那樣醜惡。
貝貝
** 博客文章文責自負,不代表本公司立場 **
貝貝好耐無出洞，但係睇完黎智英捐鉅款俾泛民單嘢，睇埋肥佬黎、李馬丁、陳四萬的回應，真係忍唔住要開口。肥佬黎話佢一條心支持泛民，反問捐錢推動香港民主「有乜錯？」批評有人刻意針對捐款來源，製造白色恐怖。李馬打也形容，此爆料手法為中共向來慣用的「白色恐怖」，泛民為了保障捐款人不被中共針對，不會評論任何捐款者詳情。
馬丁講嘢的最大漏洞係其他商家怕共產黨唔奇，肥佬黎在大陸無生意，怕乜嘢共產黨? 點解肥佬黎捐錢俾泛民唔可以公開，即使泛民政黨唔公開，肥佬黎都應該主動公開呀嘛，做乜咁鬼鬼祟祟? 公開咗等我地聽到泛民批評商家唔落廣告俾《蘋果》時，識得判斷議員啲批評客唔客觀嘛。
話佢地鬼祟真係俾面咗佢，成件事的回應就係一場政治化裝，肥佬黎唔敢上其他人的電台，就在自己夥記李慧玲的節目上解話，搵咗兩個退休人士馬丁和陳四萬上其他電台上講，首先係肥佬黎唔敢面對真正的公眾，而點解「退休人士」咁關鍵，因為馬丁和陳四萬退咗休不再是議員，不是公職人士，佢地收錢無犯法問題，點講都得，其他收錢議員係公職人士，怕講錯嘢，就先保護一下。咁你話呢個係唔係佢地成日批評的公關騷? 若然心中無鬼，為何不可公平公開，所有俾錢收錢的泛民一齊出來向所有人、所有記者交待?
成件事愈睇愈火滾，號稱愛民主的肥佬黎，去緬甸和什麼人做生意，大家又知唔知? 在網上輸入「緬甸軍政府」，可以搵到好多料，係咁依俾一兩條link大家睇睇:
http://hk.aboluowang.com/2007/0928/57105.html#sthash.FMeZ9eFO.dpbs
http://hk.aboluowang.com/2007/0927/57061.html#sthash.IR7Rg5a2.dpbs
好似記得肥佬黎批評過李鵬，唔知佢而家在緬甸起酒店同邊個打緊交道，同邊個握緊手? 我好有興趣知道，以肥佬黎一向宣揚的政治道德標準，佢搵咗呢啲錢瞓唔瞓得著架。
