便秘是指排便間隔時延長，大便排出困難，質地堅硬的一種病症。一般以超過3天以上排便一次提示存在便秘，但還應根據患者平時排便習慣和排便有無困難作出判斷。臨床以糞便乾結，排便費力為主，常伴腹痛，食欲減退等症狀。便秘的形成，與進食過少，食物過於精細而缺乏殘渣、排便反射的神經調節紊亂以及腸壁平滑肌、肛提肌、腹壁肌，放縮乏力等因素有關。治療的目的在於解除症狀，恢復腸道正常排便功能。治療以潤腸通便為主。
治療方法
便秘病案1
患者係一個40歲的職業男司機，身型瘦削，平時又煙又酒，最鍾意同朋友晚晚食宵夜。最愛食燒烤、牛排、咖哩、羊架、避風塘炒蟹、豉椒炒蜆、椒鹽賴尿蝦、飲啤酒，最近肚焗住，大便不通，一個星期都無得去，前來就診。檢查時，腹部脹滿、按之作痛、口又臭、心煩易怒、小便短赤、舌質紅、苔黃燥，再把脈，滑數。此症是個實熱症，因飲食不當，爆飲爆食，令到腸道實熱，大便不通，焗到爆。
治法：清熱潤腸
處方：麻子仁丸加減，再加清熱養陰藥。
連飲3劑，瀉到七彩，舒服哂。
再處方益氣健脾，調理腸胃。
後生好快就好返，如果不改改自己的飲食習慣，好快又嚟過。
便秘病案2
患者係一個50歲嘅女會計師，工作坐得耐，平時又無運動，因為長期大便不通暢，前來就診。檢查後了解患者每次大便乾結如粟、排便困難、面色萎黃、口乾、少津液、頭暈目眩、心悸、易倦、易緊張，睡眠差、舌質淡紅、苔少、脈細，平時已經多食蔬菜、生果，又食纖維素，好啲，但都係排便差。把脈後診斷此症是虛症，陰血虧虛，陰虛津液少，就連腸都唔郁，如果大便停留，腸內時間太長，毒素會反吸收體內，咁樣身體點會好呢？
治法：養陰潤燥，方藥：＜尊生＞潤腸丸加減。
津液已復，大便通暢，叮囑患者平時一定要養成定時排便的習慣，多食豐富含纖維素的粗粮，蔬菜，生果，多飲水，多食滋潤滑利之品，如：芝麻、花生、蜂蜜等，避免辛辣刺激、煎炸、燒烤，多運動以增強腹部肌肉和提肛鍛鍊。
此外，也可以煲以下這款湯水，對便秘有幫助。
木瓜通秘湯：
材料：木瓜1個、豬肉半斤、北沙參1両、玉竹五錢、南北杏仁三錢、麥冬三錢、麥芽穀芽三錢、熟棗仁五錢、無花果2粒、生薑二片。
製法：把木瓜、豬肉和配料藥材一同放入瓦煲裏，煲2-3小時即可。
適用人士：消積減肥、口乾、津虧腸燥，大便秘結者。
· 即Like 上醫堂 SYT Wellness Facebook 專頁 https://www.facebook.com/sytwellness/，留意更多中醫、養生資訊
· 預約 2736 7033（佐敦診所）︳2736 7473 （灣仔診所）
· 最新優惠套餐: http://www.sytwellness.com/promotion.php
上醫堂 張勇醫師
** 博客文章文責自負,不代表本公司立場 **
暗瘡是一種青春發育期常見的皮脂線疾病。以丘疹、膿疱、結節為主，有時可擠出白色碎末樣粉汁為特徵的一種皮膚病。本病好發於青年人的顏面、上胸、肩、背等皮脂豐富部位。可繼發感染形成小膿疱，破潰或吸收後遺留暫時性色素沉着或小凹性疤痕。內分泌因素、皮脂的作用、毛囊內微生物是暗瘡發病的主要因素。可應用維生素類、維甲酸類、內分泌制劑、抗生素等治療。
本病屬於中醫“粉刺”範疇，治療以清熱宣肺為主。
辨證論治（注意：一定要中醫師開處方）
症狀：皮疹多發於顏面，尤其是額、頰、鼻旁等，顏面潮紅，丘疹色紅，或有膿疱，舌質紅、苔薄黃，脈浮數。
治法：疏風清肺。方藥：枇杷清肺飲加減。
症狀：皮疹紅腫疼痛，伴有便秘，小尿赤、口臭、納呆、腹脹。舌黃膩，脈滑數。
治法：清熱化濕。方藥：枇杷清肺飲合黃連解毒湯加減。
症狀：多為結節囊腫性暗瘡，久治不愈，反復發作，皮疹結成結節囊腫，或伴疤痕有納呆，便溏，舌淡胖、苔薄，脈滑。
治法：消痰軟堅。方藥：參苓白術散加減。
介紹暗瘡患者一款保健湯水“枇杷葉煲豬展”
材料：枇杷葉1兩 生地1兩 土茯苓2兩 蕙米仁1兩 南北杏仁3錢 無花果2隻 蜜棗2隻 果皮半隻 赤小豆1兩 玉竹5錢 百合5錢 煲豬展肉1斤即可，亦可加配冬瓜1斤或老黃瓜1隻
此湯具有清肺涼血，去濕功效。
適用：1. 暗瘡，皮膚紅腫痕癢。
2. 口乾，小便短赤，大便乾燥。
病案－暗瘡會影響到唔靚仔
患者係一個畢業於演藝學院，宜家嘅工作係舞台表演者嘅男仔，佢好鍾意呢份工作，好投入好勤力，呢份工作係佢嘅興趣。放工後，晚晚都約埋同事飲酒傾工作，點樣表演會好啲？所以經常捱夜令到自己“虛火上升”，演出工作又食無定時，損傷脾胃。有時飲水又少，初初入行演出壓力好大，平時又煙又酒，又夜瞓，影響到“肝熱肺燥”，面上、背部都發哂暗瘡，食咗好多抗生素好啲，停藥後又起，反覆發作。久治不愈後皮膚紅腫，面部、額頭、嘴角兩旁起哂膿疱，有啲就形成咗凹凸狀疤痕。患者非常煩惱焦慮，因為會影響到工作表演，由媽媽帶嚟睇中醫（後生仔都唔識睇中醫啦）。
其實睇呢個症並唔難，一定要病人遵守規定。
第一：早睡早起，11點要瞓，因為係肝嘅休息時間，早上7點至9點要食早餐，因為係脾經嘅時間，唔係就會傷脾胃。戒煙戒酒，減低傷肝傷肺，因為肝主要排解酒精，肺主皮毛吸煙就會影響到皮膚。
第二：勤啲洗面，禁止用手擠壓粉刺，少食油膩，辛辣及糖類食品，多食新鮮蔬菜同水果，保持大便暢通。
如果你可以做得到，唔睇醫生都會自己好返，再服用中藥：清濕熱，化濕毒。
患者遵從規定，又勤力飲藥，好快就好返哂啦。
· 即Like 上醫堂 SYT Wellness Facebook 專頁 https://www.facebook.com/sytwellness/，留意更多中醫、養生資訊
· 預約 2736 7033（佐敦診所）︳2736 7473 （灣仔診所）
· 最新優惠套餐: http://www.sytwellness.com/promotion.php
