腰椎間盤突出症是由椎間盤發生退變，髓核含水量減少失去彈性及纖維環過度經受外力變的破裂造成髓核突出。臨床以腰腿部疼痛為主要特徵。本病好發於20-50歲的青壯年，男性多於女性。本病的形成主要為椎間盤的退行性病變，與外力及感受風寒濕邪密切相關。治療應根據具體情況採取手術、手法、推拿、針灸、藥物等方法。
本病屬中醫“痺症”範疇，治療多以補養肝腎，宣痺活絡、針灸、通經絡、止痛、消水腫為主。
臨床症狀要點
有腰部外傷或慢性勞損病史，反覆發作腰臀痛及下肢放射性疼痛。側方突出者，下肢痛為單側；中央突出者，常表現為雙下肢痛。咳嗽用力時疼痛加重，嚴重者不能平臥，不能行走。
治療方法
腰椎間盤突出症病案1：退休後遺症
患者係一個58歲嘅退休人士，之前係一位水警，專門係海上反走私既小艇隊，唔係講笑，當年係海上大風大浪追遂走私大飛，好危險，好傷脊椎，個個都戥到散哂。夏天日曬雨淋，冬天又比北風吹到騰騰震，當年後生頂得住，自己仲覺得好爽，好刺激。紀錄部隊嘅退休年齡係55歲，無諗到退休後就大鑊啦，睇足兩年醫生，頸痛、背痛、腰痛，最後連腳都麻痺。入咗醫院照磁力共振，係“坐骨神經痛”、腰椎間盤突出症，頸椎、胸椎、腰椎都退化，生哂骨刺，需要開刀做手術，又唔知開得邊度好，咁多地方都有問題。病人又怕開刀，由舊同事介紹嚟睇針灸治療，當時病人講到症狀時情緒激動，又痛又痺好辛苦，頂唔順，好想死，又唔捨得太太，因為太太對佢不離不棄，到處陪佢睇醫生。
原來患者唔單止有腰腿痛症，仲有焦慮症和抑鬱症。請注意，香港慢性痛症患者當中71%有焦慮或抑鬱症或兩者都有，38%工作受到影響或申請病假。要解決焦慮或抑鬱症首先要解決咗疼痛，無咗疼痛，自然情緒就會好，檢查診斷後馬上有了治療方案，我同病人講：「如果唔想開刀，針灸治療加上推拿正骨復位是最好的方法，我學的專業就是不開刀。」治療幾次後，病人好返好多，又積極配合治療，常游水，熱敷患處，令到症狀越來越好，很快就康復了。再叮患者退休後一定要搵嘢做，搵嘢學，做兼職都好，做義工都好，如果唔係成日都會睇醫生，男人58歲係黃金期啦！
腰椎病調理湯水
杜仲五錢，巴戟五錢，桑寄生五錢，牛大力1兩，千斤拔1兩，川斷三錢，薏苡仁1兩，黨參五錢，圓肉三錢，果皮半個，蜜棗三個，鹽適量，豬尾骨一條，生薑三片
製作方法：將豬尾骨拖水後，再將所有配料一同放入瓦煲裡，細火煲2小時即可。
食用效果：川斷、杜仲、巴戟、黨參有益氣補腎，強筋骨功效。豬尾骨能益腎、補骨。牛大力、千斤拔、薏苡仁，祛風去濕，強筋骨之功效。
適用：1. 腎虛所致痹痛 2. 陳舊性腰腿痹痛 3. 腰椎病。
溫馨提示：
腰椎間盤突症若果再嚴重既話，會令到患肢的髁關節不能背伸，或者影響到大小便失禁，患肢肌肉嚴重萎縮，如果有這樣的症狀，就一定要開刀手術治療。一般的椎間盤突出症是不需要開刀手術的，保守治療不開刀，主要是靠針灸治療，和內服湯藥，患者自己可做的就是熱敷，用暖水袋或用電熱巾敷患處腰部，要戒辛辣、酒類、煎炸、濕毒等食物，宜加強游水，如唔識游水，就踢水或在水中步行。注意保暖，此症患者怕落雨天、潮濕天或怕冷氣吹到受寒，在有疼痛水腫期，宜多卧床休息，減低腰椎受壓迫，不能拎重物和跑跳運動，不能坐軟梳化，和瞓太軟床墊，平時工作時要帶腰箍保護腰部，瞓覺時不需要帶，如果患者肯遵守配合，一定康復得快好多。在這裡再講一講，點解針灸有效，關鍵是要針刺得準，針得到位，針灸可以刺激訊息傳到大腦，可令到大腦的內分泌、腦嗎啡，產生止痛，可令到免疫細胞、淋巴細胞、白血球、吞噬細胞，直接到達患處消炎、消腫、修補損傷部位，令到椎間盤收縮，不再壓迫神經，所以係一個治療的好好方法，又沒有副作用，最主要的就是心理怕針的問題，當然一定要講醫師的手勢和水平。
· 即Like 上醫堂 SYT Wellness Facebook 專頁 https://www.facebook.com/sytwellness/，留意更多中醫、養生資訊
· 預約 2736 7033（佐敦診所）︳2736 7473 （灣仔診所）
· 最新優惠套餐: http://www.sytwellness.com/promotion.php
上醫堂 張勇醫師
** 博客文章文責自負,不代表本公司立場 **