施政報告2018出籠，政黨評價差異好大，以商界政黨為例，自由黨和經民聯就有天壤之別，一個地獄，一個天堂。
自由黨對施政報告好失望，黨魁鍾國斌批評報告是歷年最差。
自由黨對報告表達失望。資料圖片
鍾國斌話，報告只增加了一連串的勞工福利，但沒有長遠經濟發展藍圖，對中美貿易戰將導致香港經濟大環境轉變，明年經濟急速下滑無具體應對措施，而報告亦不利營商環境。
經民聯主席盧偉國。資料圖片
但經民聯主席盧偉國就贊施政報告，話特區政府成立21年來，有應做的工作拖慢了，例如填海造地、三隧分流等等，施政報告銳意解決這些老大難問題，如填海早在前特首梁振英年代已交上立法會要求撥款做研究，但因立法會拉布而拉倒，再次提出是進取的做法，認為林太不想再累積老問題。
政壇高人話，林鄭和不同政黨關係不同，關係好的評價好，關係壞的評價差，本屬正常。但無論如何，有商界政黨評價施政報告是歷年最差，也是一個警號，顯示政府對經濟發展的關注度不足。
高人又話，若評論話過去議而不行，但林鄭就好大膽去做，呢點就有少少誇大。因為反對派在立法會拉布，上屆政府想做也做不到，如今立法會建制派增加了議席、改了議事規則，才有機會推動困難議題，這些都是過去工作打下的基礎。
Ariel
** 博客文章文責自負,不代表本公司立場 **
「民間特首」劉德華早前為團結香港基金影片旁白撐填海，搶先為政府在東大嶼建人工島的填海計劃護航，結果被網民圍插。特首林鄭月娥今日在施政報告記者會上，轉個頭撐番劉德華。
劉德華為團結基金短片旁白撐填海。
前特首董伯伯「咁啱」搵劉華為條片做旁白，又咁啱係撐林鄭將會在施政報告提出的東大嶼計劃。話無關係，外人唔太信。
林鄭話「無同劉先生夾過」。
在記者會上，林鄭被問到劉德華為團結基金短片旁白撐填海，是否與政府夾好。林鄭首先澄清，她無與任何智庫合作，但接著說，「既然大家提到劉德華先生，請容我講幾句，在短片出街前兩日，團結香港基金將短片傳給我，我看完後都覺得驚訝，點解呢段短片同今年的施政報告咁脗合，連用字都咁接近，好似都係用『前行』、『希望』、『要做就做』，『要行就行』，我哋肯定無夾過…..唔知華仔係咪自己寫呢啲旁白。」
林鄭繼續解釋劉德華為何會認同短片中支持填海的內容，「可能我哋都生長係同一年代，我大佢幾年，我應該只係大過佢幾年啫。我留意過華仔的出身，生長係騰飛年代，出身基層，都係受惠於香港經濟發展，都係憑住香港人的拼搏精神，去到今日咁地位，我在政府算係成功，華仔在演藝界更加非常成功，到咗我哋呢個年紀，老實講，仲想為自己做啲乜嘢呢？但我哋都關顧下一代，唔係個個都講聲移民就走咗去。」
林鄭撐劉華去得幾盡，話對他被人身攻擊感不值，又預祝劉德華12月演唱會成功。
政壇八卦友話，劉德華撐填海本來無問題，但成件事應該由政府做，而唔係由董伯伯個團結基金去做。等政府出完施政報告後，名正言順搵劉德華拍片撐「明日大嶼」填海計劃，好似合理少少，而家俾人感覺係扯貓尾偷步撐。
