名單有得八

工商專業界訪京團完結後，話題不斷，Ariel早兩日寫過習主席接見時前排坐位的排名，之後就函電交馳，好多政界朋友都問起其他人坐位係點，Ariel唯有再出出力搵份名單番來，俾大家八吓。

成個名單有74人，主要係工商界的大孖沙行先，然後係政協常委，跟住就出現其他工商界、專業界人士。

新地亦是本地商界一大家族，雖然郭炳江和郭炳聯打緊官司無出現，但郭炳江兒子郭基輝有出席。而和爸爸一起、父子兵同場出現的也不少，例如郭鶴年兒子郭孔丞、呂志和兒子呂耀東、李嘉誠兒子李澤楷。而內地來港做生意的商人則有黃楚標和許榮茂，在內地做生意唔易見到總書記，反而在港做生意仲有見最高領導的機會。

Ariel

** 博客文章文責自負,不代表本公司立場 **

美國駐港總領事夏千福來港後相當高調，又食撻，又落區，成為部份媒體至愛，冠以千福BB的美名，在香港無事業線但稱得上BB的無幾多個，可見他受寵愛程度。

不過千福BB昨日到樹仁大學新聞與傳播學系講座時，就變得低調。樹仁方面三個月前開始搵夏千福，最終對方8月先至回覆，將原來建議題目「新聞與政治」，改成「美國領事館簡述」，將一般兩個鐘演講，縮成加埋答問一個鐘，更要求學校唔好將答問錄音放上網。佢全程都無答記者提問。

心水清者話，夏千福想低調，想非政治化，想避開答政改問題。

同一個千福BB，由高調變低調，印證咗Ariel早前講，美國為了了在中東打IS(伊斯蘭國)，要同阿爺全面合作，對香港政改，就講少兩句啦。