博客文章
港鐵主席馬時亨昨日在深圳出席粵港澳大灣區論壇時，講起一個故仔，話高鐵香港段通車後，有兩名自稱「黃絲」的香港年青人，向他盛讚高鐵。
圖：馬時亨出席粵港澳大灣區論壇
馬主席話，有兩個自稱黃絲的青年，在西九龍高鐵站見到他，親自對他説自己雖然係黃絲，反對政府，但都稱讚高鐵，話佢住紅磡，在深圳工作，以前要轉車，要兩個鐘，而家搭高鐵唔駛一個鐘，好方便、快捷、舒適呀。
那兩個黃絲青年，仲同馬主席合照留念添。馬主席話，呢件事反映即使反對政府的人，都支持高鐵咁話。
馬主席當日話高鐵ok 就ok ，結果真是運作暢順好ok喎，真係講得出、做得到呀。
Sebastian
** 博客文章文責自負,不代表本公司立場 **
香港電視主席王維基，驚爆與香港總商會總裁袁莎妮（Shirley）再婚，二人已遞交擬結婚通知書。
王維基和袁莎妮對婚事的消息皆回應謂:「多謝關心」，睇嚟兩人已夾好如此回應，等如默認。
袁莎妮
今日消息曝光時，袁莎妮仲忙緊施政報告，要統籌總商會作出回應。
王維基控制的香港電視(1137)市值18.9億，正落力做緊網購。基哥至少有十幾億身家，按道理袁莎妮嫁人後，都可以唔使做，叠埋心水做少奶奶啦。不過種種跡象顯示，「少奶奶」呢個身份唔似幾似莎妮姐杯茶，總商會年底仲有好多大型活動，例如佢仲叫緊人去12月3日總商會在凱悅酒店搞的商業高峰會，睇佢個款，並未有離職打算喎。
其實兩人交往咗8年有多，早在2012年4月，王維基將其創辦的城市電訊賣俾基金的晚上，就俾人發現他和袁莎妮在大坑共晉晚餐，如此大日子撐枱腳，兩人關係不言而喻，如今終於修成正果啦。
