亂局點收科

佔中終於啟動，金鐘、中環一帶交通癱瘓，警察多次使用催淚彈，學聯同學民思潮提出四點要求，包括要行政長官梁振英及政改三人組下台，否則明天發動罷工、罷市及無限期罷課，教協亦號召全港教師罷課罷教。由普選爭議的局面陷入混亂之中，後向未明。

出現依家局面，唔知係咪參與者同特區政府的預期之內，問題係人大常委已強硬落閘，有冇可能因為這個局面放軟呢？

Ariel去問問熟悉大陸政治的高人點睇，佢叫番我去睇習大大前幾日見工商及專業界訪京團時的講話。當中習大大講到香港繁榮穩定，是全體香港人之福，香港動盪不安，是全體香港人之禍，中央堅決支持特區政府依法處置各種破壞社會秩序的違法活動，也相信特區政府有能力維護香港穩定，習大大又話，唔容許任何激進違法活動搞亂香港，危害香港繁榮穩定的大局。雖然無點明，但明眼人都應聽得出，習大大係講緊佔中，中央支持特區的態度幾堅定。

高人話依家的局面，一係就放軟，一係就硬落去，佢覺得今次普選引發港人出現咁大的爭議，佢估阿爺會企硬之餘，不能排除阿爺諗諗吓行多一步，不如中止普選啦。根據基本法，人大常委會有權決定啟動普選程序，同樣有權終止呢個程序，現時未啟動五步的第三步，社會咁大分歧，都可能考慮中止。睇高人估阿爺企到咁硬，真係無眼睇啦。

Ariel

** 博客文章文責自負,不代表本公司立場 **

佔中三子在學生突襲政總廣場後，突然在凌晨宣在啟動佔中，阿爺同特區政府都多次表明佔中係違法活動，下一步落去如何局面點發展呢？會否清場同幾時清場呢？

按照以往的做法，到返工日示威者佔據馬路就會清場，好以上次七月一日後的預演佔中，警察在七月二日凌晨開始，對佔據遮打道的示威者進行清場，但對在政總留守但不佔馬路的學生並沒有採取清場行動。

如今佔中人士在政府總部同立法會外圍，暫時佔據了部份的道路，包括添美道、立法會道，以及中信大廈外的龍匯道等，中信大廈部份入口受阻。

添美道/政總門外

立法會道/向海方向

中信大廈外/龍匯道

中信大廈外/龍匯道

立法會請願區

按此推論，若佔中者仍佔馬路，差人在返工日子前，有可能對留在馬路上的示威者進行清場，咁示威者不佔據馬路，例如圍在立法會同政總外面的行人路，會否清場呢？就係下一個關注點啦。

而睇番今次差人處理手法，相對比較強硬，包括昨晚徵用中信大廈天橋做行動區，驅散留在天橋的人群，客觀效果，是令示威者由地鐵進入政府總部的路無咁方便，整個佈署都似乎比較強硬應對。

當然，若示威者明早進一歩殺入干諾道中佔馬路，咁就再無懸念，必定清場啦。