網球肘又稱肱骨外上髁炎，因網球運動員易患本病而得名。是由伸腕肌起點反覆受到牽拉刺激，引起部份撕裂和慢性炎症或局部滑膜增厚，滑囊炎等變化。臨床以肘部外側疼痛為特徵。本病好發於特殊工種，如地盤工人、清潔工人、網球運動員、長期打電腦者，其形成主要是長期勞損。本病屬中醫“傷筋”範疇。治療多採用針灸，最有效中藥外敷和外浸、內服中藥。
臨床表現：
起病緩慢，初起時偶感肘外側疼痛，慢慢越來越加重，如提物、扭毛巾、渣拳頭會痛，甚至向上臂及前臂放散，前臂內旋、腕關節屈曲，外上髁都會疼痛。
治療方法：
網球肘係好常見的一個痛症，最多就係運動損傷，我有一位常客朋友，60幾歲啦，但永遠覺得自己係25歲的後生仔，好鐘意打波、踢波，打波成日都會有損傷，肘關節網球肘，踢波又傷膝頭哥，又腫又痛，格吓格吓來睇證，打高爾夫球又扭到腰又來睇。原來是他性格好勝，同人打波，一定要贏，牙刷刷，的確是好叻，60幾歲完全冇其他病，心肺功能、體質相當好，就係貪玩，樣樣運動都鐘意，令到肌肉緊晒，又唔拉筋，又唔游水，因為唔同既運動用的是唔同既肌肉力，一陣間打呢樣波果樣波，很容易用錯肌肉力，所以成日都拉傷呢條肌肉、呢條靭帶或者呢條肌腱，打網球唔可以好似羽毛球咁樣打，也不可像壁球咁樣打，會很容易用錯肌肉力，咁就會損傷，打網球時不可以用得太多前臂的伸腕肌的肌肉力，用的是膊頭、脊椎整體力。如果唔係就一定有網球肘，因為你用得太多前臂伸腕肌，就會令到呢條肌肉的起點反覆受到牽拉刺激，引起部分撕裂和慢性炎症或者局部滑膜增厚、滑囊炎等疼痛。運動損傷不論是新傷水腫期，或者是慢性勞損期，針灸最好是消腫散瘀，消炎止痛，修補康復，再內服中藥四妙散加減，清熱消腫散瘀非常好用。
還有位網球肘患者，女，50歲到，打過三次類固醇，食過好多止痛消炎藥，一停就痛，有時痛到拎張紙都會痛，醫生開咗支藥膏給她慢慢捽，但她越捽越痛，連肱骨外上髁骨膜都發大增厚，掂下都痛，更加發炎，朋友介紹轉睇針灸，問患者有冇做乜嘢運動，她說平時不做運動，問她有冇做家務，她表示不會做家務，原來平時阿媽、家姐做，佢係拉女唔使做家務，也都唔識做。問她做乜嘢工作，她做既係揀鑽石工作，每日工作就是用個小鉗揀鑽石的大細、光澤、瑕疵、等級別，這樣問題出來了，就係職業病，因工作長期勞損伸腕肌起點，反覆受到牽拉刺激，形成慢性滑膜增厚、滑囊炎，又因治療失當，反覆去捽患處，令到骨膜發大增厚，凸咗一嚿，打類固醇亦不可以超過三次，因副作用很大，會骨枯，治療以針灸為主，外敷中藥，內服中藥調理，網球肘也是針灸的拿手治療方法。
· 即Like 上醫堂 SYT Wellness Facebook 專頁 https://www.facebook.com/sytwellness/，留意更多中醫、養生資訊
· 預約 2736 7033（佐敦診所）︳2736 7473 （灣仔診所）
· 最新優惠套餐: http://www.sytwellness.com/promotion.php
上醫堂 張勇醫師
** 博客文章文責自負,不代表本公司立場 **