脊柱是由33節脊椎骨組合而成，從頸椎至尾椎支撐著身體及保護我們中樞神經系統。健康的脊骨應是筆直的，如患有脊柱側彎，背骨就會向左或右彎曲，呈英文字“C”或“S”形狀。
女仔比男仔較容易脊柱側彎，機會高出6-7倍，而且惡化一般年齡為10-14歲左右，家人患有脊柱側彎的人士亦有較高的風險，會影響發育儀表外觀，以及青少年的心理成長。如脊柱側彎的情況嚴重，會容易導致腰痛、頸痛、心肺功能受損甚至脊柱關節提前退化。
臨床所見，通常10歲時出現，有可能隨著兒童成長而惡化。不過當骨骼發育成熟，出現惡化的機會就會減低，相反，患者如果骨骼發育未成熟，脊柱側彎的程度就為嚴重。
平時家長要注意如何發覺脊柱側彎的情況：
病案：
有位小妹妹今年14歲，佢嚟睇脊柱側彎症，就係脊骨變成左S型，現在側彎度數係20度，年半前在學校體檢時，測試到有側彎15度，當時妹妹和家長都冇重視呢件事。因為一年半後身體會增高，側彎度數亦増加到20度，現在大家都緊張重視到呢個問題，學校亦轉介到大口環骨科醫院跟進，醫院說暫時只有觀察住，再嚴重，就要帶一個特製矯形背心，日夜都要著住，如果側彎超過40幾度，會壓著身體既器官，咁就可能要做脊柱矯形手術，當時家長就被嚇親咗，所以馬上搵我哋幫手，首先我哋用推拿手法放鬆脊椎兩旁啲軟組織，再加針灸療法，加強血液循環，因為側彎病人背脊都係硬倔倔死實實，然後再用正骨手法矯整側彎，其實最重要係教識佢強化脊椎運動，增強背部腹部肌肉力量，多去游水，如果患者肯去做運動，是可以保持得很好，等到發育定咗，不再增高，側彎亦都會停止。要注意跟進保養脊椎，因為年紀大咗容易勞損和疼痛，頸椎、腰椎會提早退化生骨刺。脊柱側彎多數是姿勢不良性脊柱側彎，是因為平時坐姿不正確，成日低頭打機，冇腰骨，做功課時趴係枱嗰度或者趴係度瞓覺，或者係意外扭傷撞傷盆骨，歪咗唔知。運動損傷亦有很多運動都是單邊運動，扭埋一邊，有啲運動都是很容易損傷脊椎，如拳擊、攬球、賽車、騎馬等等。另外一種就是先天性側彎，病因尚不是太清楚，一定同以下兩種因素有關：(1)遺傳因素：多見於有親緣關係。(2)環境因素：如高齡產婦，初產難產，孕婦營養不良，孕期使用激素等，都會引起脊柱側彎畸形的可能。
中醫治療脊柱側彎：
脊椎寶健功：
原套是“腎氣歸原氣功＂將簡化成“脊椎寶健功＂針對任督二脉經絡循環，針對學童平時少運動，書包太重導致身體時常向前傾。隨著近年用電腦，手機，學生都變成「低頭族」，出現高低膊、寒背、脊柱側彎、精神唔集中、記性差、失眠、全身無力、讀唔到書、身體易敏感如鼻敏感、皮膚敏感、腸胃差，這套功法可改善和預防此症。
第一式
預備式：1. 雙腳平開 2. 提肛收腹 3. 沉肩收下巴 4. 頭向上頂，保持呼吸自然
第二式
向上伸展式：1. 雙手向上伸展 2. 眼跟向上望 3. 背骨蹬直 4. 呼氣，雙手慢慢落 連做5-10次
第三式
左右旋轉式：1. 身體側旋 2. 雙手上下展開，左右旋5-10次
第四式
頂腰式：1. 雙手托住腰部，身體向後伸 2. 雙肩胛骨靠攏5-10次
第五式
前後拉腰式： 1. 雙手扣指，向上伸，然後向前彎腰，雙手撐地，向前伸，向後屈伸，前後5-10次
· 即Like 上醫堂 SYT Wellness Facebook 專頁 https://www.facebook.com/sytwellness/，留意更多中醫、養生資訊
· 預約 2736 7033（佐敦診所）︳2736 7473 （灣仔診所）
· 最新優惠套餐: http://www.sytwellness.com/promotion.php
上醫堂 張勇醫師
** 博客文章文責自負,不代表本公司立場 **