佔中瞓宜家

「佔中」十多日，旺角、金鐘等據點仍有人聚集，警方話雖然路面人數少咗，不過塞車情況無咩改善。仲話想叫馬路上的示威者盡快移開障礙物，講真，呢幾日真係出現咗啲意想不到的物件喎，就係大床啦！

 

20141008_宜家床 (1)_01

如果去過彌敦道同亞皆老街交界，會發現呢兩日多咗啲木床，大家坐得耐就有得攤抖吓，床頭仲撐埋把太陽傘，都幾疏乎咁！有佔中人士話馬路路面太硬啦，坐又唔舒服，瞓就更加頂住背脊，所以走去買張床返嚟繼續留守﹔有人買咗床就即刻就地組裝，彌敦道變身傢私工場咁！

Ariel 睇到相片，啲床都係喺大型連鎖店買，上網睇埋價錢，呢排特價緊，二百幾蚊有交易，有聚集嘅人話，今次係長期抗爭，要買齊裝備作戰，瞓街瞓到連床都有，有網民笑話好過住劏房！

長期抗爭，日頭天氣熱，唔少男士除淨件背心，曬埋紋身，都算係旺角佔領區的一大風景囉。

Ariel

** 博客文章文責自負,不代表本公司立場 **

昨日都講到連《亞洲華爾街日報》都寫晒出來，話佔中者以立法會大樓8、9樓作基地，上去開會上去瞓。

睇到一封葉劉俾立法會曾主席的投訴信，話立法會有外人留宿，涉嫌違反規則，因為議員邀請人立法會大樓的訪客只可使用立法會資源進行與立法會工作有關的活動。葉劉指「立法會乃莊嚴議事之地，絕非閒雜人等可以恣意借宿之客棧」，叫曾主席採取果斷措施驅逐留宿者咁話。

葉劉問過立法會秘書長陳維安此事，陳維安話立法會8至10樓曾有為數近300名身份不明人士，進出及通宵逗留，進行與立法會無關之活動。

Ariel仲以為只有10個8個示威者借宿立法會，原來有近300人，咁又幾誇張喎。傳聞他們主要是借民主黨何俊仁和長毛的辦事處活動，在建制派議員投訴下，以後示烕者可能好難大規模借宿啦。