網上流傳一片段，民主黨主席卿姐去理髮，遇上反對佔中的市民，大罵她一頓，卿姐面有不滿之色，亦有點無奈。
罵卿姐的女子說，「你話啲示威者企咗20幾日，你唔去企，你仲嚟冼頭做乜？扮咁靚做乜？你去企20幾日呀！」
女子站在卿姐面前，卿姐話女子阻住她，女子就話：「我都俾人阻住好耐，阻住做生意，講你你都唔會聽啦！」
佔中令市民生活大受影響，難免會咁燥架啦。
Ariel
** 博客文章文責自負,不代表本公司立場 **
政事
政事
卿姐理髮也被狂轟
2014年10月18日 22:34 最後更新：22:48差人昨日清晨「突襲」旺角佔領區，清理障礙物後，主要道路日間通番車，劃出彌敦道南行線一段路面為示威區。不過，唔夠12小時，昨晚旺角「黑夜」再現。
昨晚開始，亞皆老街同彌敦道一帶，示威者愈聚愈多，午夜過後，差人退守彌敦道，旺角再度被示威者佔領，而且佔領區比之前擴大，警方話有九千人佔領旺角的馬路。
睇番呢幾日的發展，泛民對警方昨日清晨的打通道路，未有太大的激烈反應，唔似要全力撐旺角佔領區。反而學民黃之鋒昨晚又再呼籲市民前往聲援旺角，認為率先冇咗一個據點，對佔領運動的士氣的打激好大，學聯、學民對撤退的態度都幾飄吓，一時一樣，唔係領導群眾，係跟民情同形勢走。
即使學民撐留守旺角，係咪就即刻動員到九千人出來圍旺角呢，令人有啲懷疑。係咪有更大的組織能力，先可以一動員到近萬人出來呢？自發的群眾背後，還有那些組織？無論如何，佔領運動有排搞好難平息啦。
你 或 有 興 趣 的 文 章
