公司有位同事是一位咖啡迷，佢可以好清楚分別出不同咖啡的味道，從中又可悉別出咖啡的原產地、價錢及最新的批發價，亦都知道怎樣去選擇咖啡機是最平、最靚。
有時 LUNCH後飯氣攻心，又見到呢位同事得閒，我都會叫佢沖杯EXPRESSO 比我歎下，有一日佢突然間同我講：「老闆，請教你一個好冒昧既問題。」然後就立即關埋我房門，他那時的氣勢，我似乎是非答不可，當下我正在準備寫文章，詩潮湧現之際，就咁樣比佢打斷左，但係飲左人地咁多咖啡，點都要交返少少貨，應該的。
事緣就是每個星期日，這位同事都會獨自坐在屋企樓下的咖啡室飲咖啡，hea 下兼想東想西，而在過去半年的每個星期日，都有一個女仔著住街坊裝，拎住本2吋咁厚既故事書，就這樣坐在那裡3個鐘打書釘，時間通常都在星期日下午的兩點半至五點半。正常一個有拖拍的女孩，呢個時間不論晴天或雨天，應該都有美男相伴，但是看她那個狀態，應該是單身的。同事留意了這個女仔很久，發現呢3個鐘都冇人打電話比她，而她也不會check 電話，只會專心地在這3個鐘內看書，而差不多每一個月睇完一本，而每次都差不多是看科幻小說。她似乎是外國回來，而且是一個人住的。
這位同事跟我說很想認識這位女生，想到有時發夢都會見到佢，但每次想鼓起勇氣問佢拎電話時，都會卻步，因為怕被人拒絕。在這個情況下，佢問我有冇咩好計仔呢？！
我問佢這個女孩有冇留意你的存在？他說有，有時仲會望一望佢，然後同佢笑一笑，之後又再專心地睇書，但係通常都會帶住HEADPHONE 聽歌。我說第一件事你要弄清楚的，就是你要問自己有什麼方法令佢好想識你，有什麼方法令佢接受你呢個陌生人。現在時勢唔好，岩岩就有單風化案，兩個南亞裔女子被劍橋大學畢業，之後在美資投資銀行工作的職員殺了，係人見到陌生人都會打冷震；你要知道女孩子如果肯接受同你做朋友，首先有5大條件，你要懂得去破冰。
第一， 第一句說話要配合眼神，說話的聲線要帶出誠意，唔好令人覺得乞人憎先，講乜都唔重要，幾無厘頭都唔緊要，最緊要是佢覺得眼前一亮，
第二， 每個女孩子都希望別人懂得欣賞佢，找出她的獨特性，找出她與眾不同的品味或重要性，你見了她半年，你講唔講到3樣佢同人唔同的特點？如果講唔到，基本上這半年都是白費的。
第三， 你可唔可以由佢看的書反映出她的深度，又或者有冇嘗試看她看的小說，從這樣投射到她的性格和她的品味呢？找到別人能夠欣賞佢的重要性，找到大家的共通點，例如大家睇的小說，大家就可以開始有話題。
第四， 千祁唔好問佢拎電話，雖然你好想，佢亦知道你想，你應該在大家傾得最投契，講得最開心的時候，你就話比佢知，依家要走喇，有緣就希望下個星期可以再見到你啦，拜拜。這一刻，大家都有到喉唔到肺既感覺，那樣佢就會開始記得你。之後當你再行入咖啡室時，(當然是遲過佢入啦)，一個HI，跟住好直接問一句你張檯仲有冇人黎, 可否一齊坐？大家因為已經有親切感，有個共鳴，之後可以暢所欲言。你要記住佢既時間只有3個鐘，你大概都知道佢可能都係同樣五點半左右就會走，所以你的黃金時間是兩個鐘。到最後，你要問佢唔係拎電話，而是WHATSAPP 號碼，因為聽起來冇咁直接，帶點含蓄，但最後結果其實是冇分別，之後就可以保持聯絡。
第五， 最後，人其實很簡單，唔好諗佢有冇男朋友，唔好諗佢會唔會拒絕你，你只要諗兩件事，你欣賞佢，你想認識佢，係因為她的美貌還是大家的緣份，呢樣野你就要慢慢去揣摩，識一個人唔難，但發展成友誼或感情，最尾都要睇下大家實質搵唔搵到性格的同通點，或是性格上的磨合點，而一起發展下去。
黃毅力
** 博客文章文責自負,不代表本公司立場 **