政府啟動全力撐警

昨日特首CY發表網誌，以香港《香港不能亂》為題，批評近日有人公然犯法，標榜抗命，漠視法庭命令，令警察面對的工作壓力極大，話代表特區政府向所有支持警隊的市民表示衷心感謝。又話香港警察是保證社會秩序、維護大家生活穩定的最後一條防線。

CY呢番話，「撐警」味道非常濃，而且好直白。Ariel今日上政府新聞網八吓特首仲有冇新網誌啦，發現網站上有載條視頻片段，附有說明話佔領行動發生以來，前線警員朝乾夕惕，向前線警員致敬。

http://wpc.11668.edgecastcdn.net/8011668/app/vod/VIDEO/categories/law_order/2014/11/e20141104_Police_x_h.mp4

查實條片係警察公共關係枓早前製作，早排已上載到警察的 YouTube頻道，政府新聞網呢條就剪緝過，短咗啲，音樂亦改咗upbeat啲，睇嚟政府都想用盡平台撐警喔。

Ariel一直有聽聞高人分析，政府基本策略雖然係讓運動耗下去，但一直未排除局部清場，相信唔會期望一下子全部清晒，而係清吓部份佔領區的馬路，例如旺角，佔領者如果清完返來，警方適當時候又再清，總之就係清吓佔吓又清吓咁，唔希望出現過份暴力，但亦都顯示政府有做嘢。

Ariel

** 博客文章文責自負,不代表本公司立場 **

王維基的香港電視又有新搞作，昨日宣佈同騰訊視頻合作，佢哋的劇集由騰訊視頻在內地獨家轉播。

港視公佈話，騰訊視頻是中國主要的網上視頻平台之一，而香港電視的劇集題材廣濶，拍攝迫真；各劇集的片花更深受矚目。港視話很榮幸獲騰訊視頻賞識香港電視銳意創新的思維，將佢哋的電視劇集製作帶給全國網友，同時亦對香港電視的品牌推廣甚具裨益。

港視的通告又引述騰訊視頻代表表示：「香港電視銳意創新的態度而為大眾熟悉，其『不墨守成規，要突破界限』的思維更為為人所欣賞。他們的劇集種類豐富，由警匪、科幻、愛情以至家庭倫理，到新鮮的青春偶像、歌舞音樂、兒童以至社會現實劇等，一應俱全。在名星陣容上，更有黃日華、林文龍、唐寧、張可頤、夏雨及鮑起靜等充滿實力的演技派熟臉。與香港電視的合作，無疑能夠豐富騰訊視頻版權內容，為我們的粉絲帶來全新的視覺享受。」

港視股價昨日下跌超過6%，今日就受這個消息刺激，今日股價瘋狂上升28.6%，收市報4.77元，似乎大家都好睇好港視的前景，認為能夠借騰訊打開內地市場，甚至覺得唔俾港視開台，只係特首CY的決定啫，你睇吓內地都開綠燈啦。

不過，知情人士同Ariel講騰訊播港視劇集，呢單嘢存在好大變數，好似騰訊呢啲公司純粹係基於商業原因，四圍去採購外地的劇集，無留意港視劇集的政治敏感性。依家內地其實對網上頻道轉播外劇的限制愈來愈嚴，最近先剛剛宣佈好多劇集要先審後播。

 

睇睇香港電視在地鐵的廣告，大隻字：來生不做香港人，仲有示威場面，就知佢地的嘢幾敏感。

消息人士叫大家留意吓，內地中央網路安全和信息化領導小組阿頭係邊個，係習大大。從政協最近炒咗田少魷魚都知，內地做很多事情都係主題先行，港視的反政府的色彩比較濃，港視的劇集最後能否順利在內地播出，仲存在極大變數。

散戶如果現在跳去炒香港電視的股票，就要小心啦，因為呢個合作仲存在變數。