網傳杜汶澤鄧紫棋列禁名單

今日內地網上流傳一份文化部最新的查禁名單，圖片上的文件顯示分為兩類，其中何韻詩、黃耀明、杜汶澤，列為不予演出；另有一類為屬嚴控類別，最惹關注係包括在內地爆紅的G.E.M鄧紫棋。

文件仲顯嚴類別係指必須報文化部市場司批准先俾審批，已審批的也要重新報市場司批准先可以演出，同時仲話要溝通演出機構，確保不發生佔中言論。

呢份名單圖片先喺微博出現，之後多個大型網站的娛樂新聞版，包括搜狐娛樂、網易娛樂都有報道，一啲綜合網站，例如文匯網、鳳凰網都有轉截。不過，晚上搜狐同網易就刪去相關文章。

至於呢份名單有幾真就好難講，不過，自從有藝人公開撐佔中後，已經唔係第一次傳出類似禁止在內地演出的名單，都似空穴來風，未必無因啦。

Ariel

** 博客文章文責自負,不代表本公司立場 **

特首CY話問題唔係政府幾時清場，係佔領者幾時離場。但學生一於少理，學聯秘書長周永康昨日仲同傳媒講，可能要佔領到明年6月1咁話。

周永康話，若然爭取真普選及撤回人大8.31決議兩個訴求，並無實質進展，佔領運動不會撤，會維持到明年3、4月，甚至5、6月。

周永康認為，佔領者退場的前提是要立法會先否決政改方案，才有可能退場。

周永康一邊推議員辭職公投，一邊話要搞到明年5、6月才退場，證明佢地認為搞公投同退場全無關係。

佔領區的商鋪可能唔使等到明年7月，捱到年底都好多要執笠啦。