合和實業（0054）將在本周四(3月21日)就私有化進行投票，合和股價橫行，今日收36.5元，比收購價38.8元低6%，折讓不太大，由於早前有持股很多的基金表態支持，市場傾向相信私有化有機會成功。
但Sebastian和知情人士傾過，佢認為合和私有化成事機會頂多五五波，唔係外界想得咁十拿九穩。
胡應湘。
投票前夕市場好多故仔講。提出收購的大股東胡應湘陣營，胡爵士自己加埋親戚好友共持有37%股權，控制權並不牢固，會否有程咬金半途殺入來競購， 一直是圈內人注意焦點，若有橫手出現，就會先否決私有化建議。
胡爵士長子、合和執行副主席胡文新無參與老爸提出私有化收購建議的財團，意味著私有化一旦成功，胡文新將會賣出股份，套現11億。坊間對此有不同解讀，有人調轉嚟睇，話私有化成功，公司離開公眾視線，私有化令胡文新成為合和接班人。這個理論最大漏洞是若目的是安排胡文新全面接班，合和保留作上市公司，應該亦無人反對，何必搞這麼多事讓胡文新接班。
胡文新。
另外亦有理論，話此舉何以令胡文新提早分身家，放生胡文新攞11億走。此說的漏洞是胡爵士若想分身家俾胡文新，直接分就可以，無須花幾千萬費用，搞一場大龍鳯去分身家。
其實大家睇得太複雜，合和私有化動機好明顯，就是胡爵士覺得合和股價較資產折讓大，想將公司私有化。胡文新只是被動，睇嚟初時亦不太同意，所以才不參加提出私有化的財團。不過如今他見老爸搞到這個階段，為支持老爸，亦不會反對，樂觀其成。
所以分析合和私有化事件，若將胡文新放在事情的中心點，以為從他的角度考慮去策動私有化，就顯然捉錯用神了。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
