佔中後記3

靜咗幾日，阿娟又出動繼續爆料，篇日記話係11月10日寫(內文有啲昨天、今天，可作參考)。

阿娟外傳 佔中後記   第 3 篇     （2014年11月10日）

記得我第 1 篇登過瘋鋒同詩文BB 等一齊去周柏豪演唱會張相，事後Joshua即刻收到Ivan（林朗彥）whatsapp : 佢根本沒有將學民的計劃放在心上。當日9月25日，罷課開始無耐，你仲有心機出來玩 ？ 難怪連劉貳龍都忍不住呻：「以後唔好再放呢D相上來。你就繼續這樣做事吧，難怪無人再支援你了。」

黃之鋒，最近有一個未走的男仔Ken，將我前兩篇俾你睇，你懶鎮定話‘失實’，仲狡辯話睇AV 係講笑啫。嗱，今年5月黎智英專登派記者張嘉文，教導你點樣唔好俾人捉痛腳挖黑材料，珍珠都無甘真啦卦。以下兩張「不信任票」，唔通又係失實？

周庭辭職，直接同Joshua 有關。除咗反對黃之鋒將罷課變成佔中，擔心因火燒身呢個原則分歧之外，更關鍵係内部被黃之鋒排斥。原來當時學民内部少有地來了一場‘信任投票’，而唯一得到兩張不信任票的，就係周庭。除咗你之外，另外一張係邊個呀？周庭既從未受過的‘沉重的壓力’，原來如此。

林朗彥，黃莉莉，朱偉聰陷扮懶走嗮，有D 仲另起爐灶搞‘21世紀少年’。 我最欣賞個個Tommy張秀賢，同你唔妥，最後做咗中大學生會會長，你就話人地快速報復，令你‘招架不住’，仲插人家係左仔，無他，人家有friend在香港政策研究所。

回想下，當初一齊搵銀既戰友，家陣剩番幾多個 ？ 點解話搵銀？ 事實丫嗎！次次去參加民陣遊行，Joshua 都‘提醒’話，遊行最緊要係‘雙吸’— 吸水同吸眼球。

話説學民與學聯素來唔妥，而前學聯楊政賢又做咗民陣秘書長，好驟忌。 Joshua 盤算：首先盯住要霸民主黨‘許留山街站位’，因爲那個站市民特別熱心捐款，霸到的話‘收錢收到手軟’，同時要學學聯出‘賤招’派小隊參加遊行，一頭一尾做誇張野，攞傳媒鏡頭。所以學民次次都搵唔少，加埋D人以爲中學生莫財，特別會捐多D，唔講唔知，學民雖然人細細人少少，但錢財就大大話話有幾百萬！

知唔知邊個係學民財務？ 係一位女士叫Grace Ng, 哈！即係黃之鋒阿媽。黃阿媽就如此教落：‘Joshua, 而家條數有7位數字，你（當然係指個仔）一定要想辦法使多D, 令到條數變成6位數字，否則的話，人地見你水頭充足，肯定唔會再捐錢俾你。’各位佔中朋友，D 錢點樣使法？無人知。如果你地捐過錢俾學民，睇完作何感想 ？

講番而家話上京見領導人，黃之鋒終於昨日無奈都要出聲支持。 阿Ken 報料：學聯内部投票贊同上京，不過邊個去就你眼望我眼，話實會去只有Alex， Lester 同Yvonne (梁麗幗) 。 黃之鋒？你係邊位？又點會預你一份。

Mark Felt

** 博客文章文責自負,不代表本公司立場 **

阿娟日記又有料爆：

阿娟外傳 佔中後記 第 2 篇 （2014年11月4日）

（*阿娟 學聯佔中核心義工，已於十月下旬撤離金鐘佔領區）

有網友話我無品. 我認有時係. 當女仔憎一個男仔, 可以無乜底綫. 試問你地男仔打交會唔會扯對方頭髮? …好啦, 講番D‘大是大非’囉。

又多一位剛剛撤離既姐妹，見到我上篇講黃之鋒，就告知我最新消息：姐妹話，黃之鋒其實真係衆叛親離。最近講緊叫立法會變相公投，由於29 號晚學民思潮要同其他三方，即係泛民，三子同學聯開會作決定，所以28號黃之鋒召集學民開會，誰知道到會者只有三個，即係焗住流會。 你見到Joshua出來揸咪講呢講路，其實係揸緊一人巴士，打天才波。姐妹話，在金鐘見學民流會已經司空見慣，半個月來，不下十次，幾乎次次開會都係小貓兩三隻，甘就膽粗粗企出來領導佔領中環，牙煙D掛！Joshua 仲要對人講大話，話D 核心個個要趕中期考試甘講。

學民内部如此，對外同學聯又揮唔贏。大家挖空心思出計搶咪上頭版，學聯話上京見李克強，雖然條橋妙想天開D，我聽電臺連主持人都笑出聲，有聽衆窒住話：見到梁振英先講啦。但話晒傳媒仲可以跟幾日，於是阿Joshua又輸一仗。

聽講Joshua自己都唉聲唉氣，明白自己無政治魅力，又無組織魄力同充足人力，連出臺講嘢都俾人笑‘流利得來似背書’。 學民嘅號召力變得江河日下。金鐘，旺角，銅鑼灣，學聯都有人去hold場，搞物資同輪更，學民呢？現場人手五只手指數有凸。難怪金鐘現場有人講閒話：黃之鋒，一支公，專責同其他組織開會同埋開咪。Joshua 自己都寫短訊俾人，話好冇面擔心好快金鐘變成‘學聯包場’。

黃之鋒其實一貫如此。身邊好多人都先後離開。例如最見得人出得台嘅Oscar黎汶洛，現在仲算叫做發言人, 但好早就俾Joshua 的高登打手指為‘左派’，另一個林朗彥Ivan 是 ’左膠’。各位什麽時候見過Oscar 出來

講嘢 ？發言人咪就係Joshua one foot kick 囉！

仲有一個最出名，就係周庭（Agnes）. 話説當日開始發動罷課，其實學民内部並不多人贊成罷課變咗佔中，其中最主要反對者就係周庭，而劉貳龍同Ivan 都有保留。正當大家講緊不如開會員大會表決，誰知9月26日 ‘忽然’衝擊政府總部，有人使橫手做成既成事實，罷課變佔中走上不歸路。 邊個做的好事，心照啦 ！

10月12日，周庭宣佈辭職， 一時成爲大新聞。 究竟什麽是Agnes在辭職聲明中說的‘沉重壓力’？ 上篇有張去睇演唱會嘅相片，又有乜背景？留番下篇再講。