黃浩想買都市日報的交易，搞咗成年幾，大軍都已進住咁耐，突然爆出一個官司，都市日報集團追黃浩九千萬尾數，都令報業中人十分震驚，到依家先知佢未找尾數。
當日黃浩出價勇進，成功在都市日報集團手上，買得香港都市日報。但黃浩的策略係攞咗個deal落嚟，再搵緊其他股東入股，去完成交易。之前傳過的一個版本，係佢搵過郭炳湘買部分股份，但之後一路都未有確實的消息，唔知件事係唔係進行得咁順利。無論如何，依家搞咗單官司出來，要麼就打官司，一路打落法，否則就要盡快找數解決。
不過，黃浩諗頭多多，較早前報業仲流傳一單嘢，話黃浩去搵新地老二郭炳江同老三郭炳聯，問佢哋有冇興趣收購蘋果日報，想同佢哋一齊去買蘋果。後來，郭氏兩兄弟就覆咗黃浩，話佢哋無興趣投資報業，件事就無疾而終。
從外界觀察，唔覺得肥佬黎打算出售蘋果，不過，諗番轉頭，黃浩作為中間人，可能係四圍去搵人，睇吓有冇興趣去玩，搵到有老細先去接觸肥佬黎都唔奇，無論如何，買蘋果的大計成功機會都相當細。
香港報業競爭大，佔中都一定程度上影響咗零售市道，估計都市日報都受一啲影響，如果收入倒退，的確係會對新股東有啲財政壓力。
Ariel
** 博客文章文責自負,不代表本公司立場 **
阿里巴巴在中國雙11光棍節(中國民間獨有節日)賺大錢，公司市值高過美國實體銷售巨頭沃爾瑪。
阿里巴巴主席馬雲日前接受中央電視台訪問時話，「擔心中國未來的整個思想健康問題」，關鍵在今天的孩子被餵怎樣的「精神文化糧食」，「你去看今天的香港，十幾年以前像《蘋果》報紙每天講大陸怎麼愚蠢，中共怎麼倒楣，十多年以後孩子長出來就是這樣的，他有這種perception（觀感）在裏面。」
一般人注意馬雲講話的對錯，Ariel卻留意他為什麼要講。馬雲是聰明人，在中央台開口批蘋果，除了政治正確之外，還表達了對香港問題的關注。
他最近不止一次講到香港，他接受美國《財富》雜誌訪問時也講到香港佔中，表示佔中問題核心不是在於中國和香港關係，而是本港青年人沒有希望。香港此刻問題不是中港關係，而是青年人沒有了希望。社會大人物攞哂好處著數，青年人感絕望。但他也說佔中不可以、也不應該長期持續。
馬雲昨日接受媒體訪問時話會將他自己持有的「支付寶」上市，市場會選在中國A股，馬雲話揀喺中國上市原因唔係賺錢，而係要讓公司的治理更加透明化。由於各種原因阿里未能在A股上市。
Ariel靠估，馬雲隻支付寶除咗上A股外，會唔會想上埋H股，講啲政治正確的香港問題，又有無幫助呢?
