習大大後年再做東道主

習大大早前以東道主身份主持完北京APEC峰會後，無幾日就飛咗去澳洲出席G20峰會，呢個峰會除咗亞太地區的重要國家，仲有歐洲同歐盟參與。

習大大在會上發言，話中國作為2016年G20集團領導人峰會主辦國，願意為推動世界經濟增長作出更大貢獻、發揮更大作用。無形中透露咗2016年的G20峰會將確定在中國舉辦，即係話習大大到時又要盡東道主之誼啦。

20國集團(G20)原本是一個國際經濟合作論壇，於1999年9月25日由八國集團(G8)的財長在華盛頓宣佈成立，屬於非正式對話的一種機制。由原8國集團(美國、日本、德國、法國、英國、意大利、加拿大、俄羅斯)和11個重要新興工業國家(中國、阿根廷、澳洲、巴西、印度、印尼、墨西哥、沙地阿拉伯、南非、韓國和土耳其)及一個實體(歐盟)組成的財長會晤。按照慣例，國際貨幣基金組織與世界銀行列席會議。2008年全球金融危機之後，G20升格為國際組織，每年舉行領導人峰會。

APEC是亞太地區21個經濟體的領導人非正式會談，是亞太地區最具影響的經濟合作官方論壇，但APEC只係地區性，G20就係全球性峰會，後者所涉及的經濟、政治利益國更加廣泛。中國加入本身已經係一種更加融入國際經濟格局中的表現，2016年做東道主，即係話中國唔單喺地區上發揮作用，亦準備在全球經濟增長中更有作為。

G20峰會的主辦權採用成員國輪值方式，2011年法國峰會增強了G20組織的穩定性，亦確定咗2013年至2015年的峰會分別由俄羅斯、澳洲同土耳其主辦。亞洲地區國家將會喺2016年接棒，目前亞洲成員包括中國、日本、印尼、印度和韓國。而對於亞洲國家的提名權，則交給了澳洲，由佢哋決定未來誰會承辦2016年的G20峰會。

印尼由於政治週期原因被排除出局，而韓國在2010年已舉辦了首爾峰會。2009年及2010年的G20峰會，日本都曾想承辦，但因各種原因未能獲得主辦權。今年初，中國人民大學校長、央行貨幣政策委員會委員陳雨露首次提出中國應積極申辦G20，之後呼聲愈來愈高。

峰會主辦國將提出一些重要議題，以體現本國的發展思路和特點，中國做主辦國，有利於提高它在世界經濟中的作用和地位。另一方面，智庫學者亦都支持中國主辦，G20第二屆智庫年會在北京召開，共同聲明中提及中國如能主辦2016年峰會，有助探討方案，實現到2019年G20整體GDP可以在現有預期上，再提高至少2%的增長目標。

所以話，國際政治好現實，到最後就係國力，睇經濟實力，你有錢就想你一齊參與玩，調轉頭講，有得玩，就唔止被動參與，而係要參與甚至主導製定遊戲規則，咁樣先可以在推動國際合作之餘，又保障到自身國家利益。要做到就要睇大局，要有大視野啦。

毛拍手

** 博客文章文責自負,不代表本公司立場 **

國家主席習近平同美國總統奧巴馬經過兩日「馬拉松」會談，港人較關心的是在記者會上，中美領袖就香港佔中問題交鋒，其實中美仲有好多其他議題。

  

好似氣候同軍事達成協議，就出乎事前專家學者的估計，美國罕有地作出減排承諾目標，而兩國軍方就簽署咗「軍事行動通報機制」，避免好似今年八月，中美軍機曾在南海「異常接近」，險釀危機。兩國元首在記者會盡量避談有分歧的地方，似乎都唔想關係搞得太差，希望通過對話解決差異。

四名政治局常委陪習近平出席宴請奧巴馬(中央電視台截圖)

  

中美要建立新型大國關係，都要各層次接觸，今次奧巴馬訪華，中央領導層盡出，對美關係的大員亦都成為座上客。除咗習近平以主人家身份接待，奧巴馬亦順道認識十八大後中共領導班子，總理李克強、人大委員長張德江分別安排會見，習近平宴請奧巴馬時，其餘四名常委一起出席陪同，都算俾足面。

 

在人民大會堂舉行的宴會上，主家席上除咗習近平同四名政治局常委俞正聲、劉雲山、王岐山、張高麗外，黨政軍領導王滬寧、劉延東、汪洋、范長龍、栗戰書都係座上客，仲有就係熟悉美國政商界，全國政協副主席董建華亦都獲安排坐在主家席上，董建華退任特首後，遊走中美政商界，做咗唔少穿針引線的工作。睇習近平都好重視奧巴馬呢次訪問，對美大員全部出動參與接待喎。