特朗普聲言要對2000億美元中國貨大加關稅，中美打大仗，全世界震動，唯獨香港的立法會議員不關心影響經濟民生的大事，仍然專注「玩泥沙」，令人啼笑皆非。
立法會《逃犯條例》法案委員會今日鬧出雙胞，又話唔開會，後來又有人繼續開會，朋友打電話來問小鯊，話唔知立法會搞邊科，叫我解釋一下。
成件事緣起於《逃犯條例》法案委員會，早前按慣例搵出委員會內最資深的立法會議員涂謹申做主持，由他主持委員會選主席的程序，但他任由反對派不斷問規程問題，不斷拉布，開了兩次會也選不出主席。
到上週六建制派發動召開立法會內務委員會特別會議，結果內會議決，改由建制派議員石禮謙主持《逃犯條例》法案委員會的會議。並由立法會秘書處書面通知法案委員會的成員，由他們表決是否接納這個安排，結果今日中午之前，多數委員表示接納，意味着石禮謙出任委員會會議主持。石禮謙隨即宣佈，委員會今天不再開會，改為星期六再召開會議。
反對派議員自行「開會」
但反對派不接受這個安排，在今天下午4時30分如常「召開」《逃犯條例》法案委員會會議，所有建制派自然不會出席這個不合法的會議，但反對派聲稱有23名委員出席，符合法定人數。
新民黨副主席容海恩到場抗議。
新民黨副主席容海恩手持標語到場抗議，批評民主派「玩泥沙」，無權開會，約10分鐘後自行離去。其後「委員會」在沒有立法會秘書及法律顧問的情況下繼續「開會」，並即場「選出」涂謹申為委員會主席。
建制派議員廖長江表示，只有石禮謙有權主持法案委員會選舉主席程序，石禮謙已通知委員在本周六開會，故今午「會議」沒有合法性。
立法會議員的行為，就以玩泥沙一樣，既浪費公帑，也浪費時間，沒有關注解決最逼切的經濟民生問題。
小鯊
** 博客文章文責自負,不代表本公司立場 **
在佔中案判刑後，對上一個星期天，港台城市論壇有這樣的一幕，佔中三子之一，判了緩刑的朱耀明牧師(朱)，和做律師的建制派議員何君堯(何)，香港眾志創辨人黃之鋒，及城市論壇主持蘇敬恒(蘇)，出現鋒相對的一幕，有關影片在網上廣傳：
城市論壇大辯論。
朱：非常奇怪嘅呢，包括何律師喇、劉先生（劉炳章）喇，佢哋都將好多嘅莫須有嘅嘢，冇出現過嘅嘢都加在我哋身上，就譬如係洗黑錢係好嚴重嘅問題。你有冇證據呀？拎證據出嚟吖！你唔得呢喺呢一個訪問當中，做傳呢啲嘅謊言，傳謊言其實係犯十誡嘅，作假見證陷害人呢，係犯十誡嘅。
何：你有冇收黎智英嘅錢呀？
蘇：好，劉先生……
何：你有冇呀？
朱：呢啲錢都唔係佔中嘅錢？
何：你有冇收過先？
朱：呢啲錢都唔係公開嘅錢。
何：有冇收過先？
朱：呢啲係音樂會嘅錢。
何：喺主之名下，你話有冇吖？
朱：你告我吖，你告我吖。
何：你有冇先吖？
朱：你告我吖。
黃：我相信呢今日嘅重點呢……
何：你有冇收過錢？答到呢刻你都冇講有定冇。有冇吖？有冇吖？
朱：唔係我個人收錢。
何：你有冇收？
朱：唔係我個人收。
何：你有冇收？
蘇：好喇，兩位，今日呢就唔係要討論……
何：你仲未答呢一句。
蘇：何君堯律師，我諗好多政治人物都有收捐款嘅，咁因為香港依家就冇所講政黨法，就冇得公開晒捐款嘅來源。如果有機會我哋講到政黨法，就可以睇吓各黨如民建聯啲錢喺邊度嚟。
朱：何律師講呢啲，加個黑字落去呢，其實呢個係誣蔑嚟嘅。
何：請問你有冇收過黎智英嘅錢？
朱：因為任何一個機構都可以收錢。
何：你答有定冇就得喇。
蘇：何律師，何律師……
朱：合唔合法？
何：你有冇吖？
朱：合法就得㗎喇。
何：即係有喇，係咪呀？
蘇：朱牧師，朱牧師，係喇，我覺得呢無論有冇收過都唔係大問題嚟嘅。嗱……
何：到呢刻你仲未答我。
蘇：何律師……
黃：何律師，我相信朱耀明本人有冇收過任何人嘅捐款係一回事，而有冇洗黑錢係另一回事。依家你作出嘅指控，係去誣蔑朱耀明牧師洗黑錢，你去誣蔑一個神職人員，呢一件事係極之有問題。
何：唔係，我係畀機會佢去回應呢個問題吖嘛。
將這一段討論原話筆錄，讓很多人也許沒有機會看過過去的星期日的《城市論壇》朋友，可以看看當日的辯論的主題。講者在這個環節討論的是朱耀明有沒有收過黎智英的錢，以及是否洗黑錢。
何君堯是律師，他的切入點「洗黑錢」，是十分聰明的起點。一般人以為「洗黑錢」的定義是將黑錢洗白，其實洗黑錢法律上的定義，是協助處理和犯罪有關的金錢，即是某人用金錢是進行一項刑事罪行，你協助處理那些錢，也是犯上洗黑錢的罪名。所以朱牧大大聲問:「係洗黑錢係好嚴重嘅問題。你有冇證據呀？拎證據出嚟吖！」又話「加個黑字落去呢，其實呢個係誣蔑嚟嘅」。不知朱牧師是否知道有關罪行法律上的定義。
佔中九子被判和「公罪妨擾」有關的罪名，全被定罪，換言之整個組織佔中運動的過程，都可能和刑事罪行有關，當中若處理支援佔中運動的金錢，就涉及「洗黑錢」的問題。
爆料電郵爆出朱牧的組織收錢單據及他向肥佬黎答謝的回條。
幾年前的爆料電郵爆出朱牧負責的香港公民教育基金會有限公司，在2013年4月23日收到黎智英的20萬捐助，朱牧親筆寫回條答謝。之後再收取20萬捐助。在論壇上何君堯反覆追問朱牧有無收錢，朱牧只能答「唔係我個人收」，就是指這件事。
城市論壇後何君堯繼續追擊，指得知由佔中發起人陳建民、朱耀明等成立的香港公民教育基金會，2013及2014年間曾收取壹傳媒創辦人黎智英兩次捐贈共40萬元，認為用途未明。
何君堯話：「金錢是否以捐款名義掛羊頭賣狗肉，如真正是作違法行為的話，這可能觸犯我們香港反洗黑錢條例。以基金有限公司名義收款，錢其實取到哪裡去？如果錢花在『佔中』上，我相信這個問題，有關當局需要查根問究。」
香港公民教育基金會活動的顧問、立法會議員毛孟靜就反駁話，基金會宗旨是推廣公民責任：「透過音樂和一些聯校教育活動，推廣一些人文精神、人文價值。無端在亂說一通。他有他的表達自由，但這些說話、所謂批評，不屑回應。」
其實誰是誰非，由警方深入調查就最清楚了。
