要有好大的決心同行動~
莎莎女婿、郭詩慧老公陳振邦（Davis）和「舖王之子」鄧耀昇（Stan），今年為了慶祝公益金50周年，構思一連串體能籌款活動。身為主席的Stan，除了要拉巴士和跑樓梯，還要與Davis等6位成員參與《萬眾同心公益金》之「50五十為公益」活動，要在25日共減50磅籌50萬，為此他們要減食量和做運動。日前二人到健身室做gym，他們稱今次最難是要達標又不能練出肌肉，否則仲會重咗；如果減唔到，每磅要罰捐5萬，所以都幾有挑戰性！
點擊看圖輯
陳振邦（右）與鄧耀昇（左）日前相約到健身室做運動。
他們稱每日要做個半鐘運動，行山機是不錯的選擇。
陳振邦表示最想減肚腩，做Standing Leg Raise雖辛苦但成效大。
鄧耀昇稱全身都要減，做Chest Press可操fit上身。
陳振邦（左）與鄧耀昇（右）於14年曾為公益金玩飄移籌款。
陳振邦與太太郭詩慧及外父外母郭少明和郭羅桂珍出席莎莎活動。
陳振邦（右）與鄧耀昇（左）日前相約到健身室做運動。
他們稱每日要做個半鐘運動，行山機是不錯的選擇。
二人表示為了健康地做善事，近年構思好多有關做運動的籌款活動，之前試過閉氣潛水和玩飄移，今年再搞新意思，Stan坦言：「我會一個人拉坐咗50人嘅巴士，又會去ICC跑100級樓梯，仲會到警察訓練學校做7項體能訓練，相對喺25日每人減8至10磅好似易啲。」現時他們要以飲食和運動配合，Davis表示已搵了營養師設計餐單，「真係清到不能再清，以菜為主，肉要白烚，要戒油同唔可以食太鹹同太甜嘅嘢，仲要戒酒，都幾齋！」而Stan就話要減食澱粉質，他稱：「盡量喺8個鐘頭食晒三餐，到夜晚6點後就唔再食嘢。」
陳振邦表示最想減肚腩，做Standing Leg Raise雖辛苦但成效大。
鄧耀昇稱全身都要減，做Chest Press可操fit上身。
除了減食量，還要做運動，Davis補充：「要做帶氧運動，一定要出汗先得。」日前兩人相約到健身室做gym，Davis笑言最想減肚腩，Stan就話全身都要減，他們均稱平日有做開運動，但要達標要每日做個半鐘先得。他們覺得最難是做運動之餘，又不能操得太劇烈，萬一將脂肪練成肌肉，體重反而會增加，Stan笑言：「我哋都希望減得健康，到月尾出席電視節目《萬眾同心公益金》時，精精神神咁見人，唔會皺晒皮。」他續稱難得今次所有成員都好踴躍參加，因為可以趁機做運動keep得瘦啲，又可以行善，一舉兩得！
陳振邦（左）與鄧耀昇（右）於14年曾為公益金玩飄移籌款。
陳振邦與太太郭詩慧及外父外母郭少明和郭羅桂珍出席莎莎活動。
