學校好壞看CEO

香港專業進修學校成立港專學院，今日舉辦成立典禮，港專邁向大學之路又走前一步。Ariel有幸受邀出席典禮，都八到啲得意故仔。

 

20141209_PO_港專成立慶典 (1)_704

港專一向和建制派關係不俗，今次請得律政司司長袁國強主禮，民建聯主席譚耀宗俾面出席，並不為奇，但民主黨主席卿姐也有捧場，卻是稀客。卿姐仲話佢接到港專邀請就決定出席，後來貿發局又請議員食飯，但佢話應承咗港專嚟，就推咗貿發局啦。港專校長陳卓禧亦好識做，安排卿姐坐自己身旁。立法會兩大黨主席都捧場喎，港專都好有面啦。

 

Ariel早年同一個教統局常秘食飯，問佢學校好壞的關鍵，佢話關鍵係校長，校長好似間學校的CEO，校長好，間學校就掂，校長差，間學校就唔掂。同搞公司一樣，有無錢係其次，搵唔到好舵手最重要，睇港專就係一個好例子。

港專的前身是旺角勞工子弟學校，是左派學校，後來請咗陳卓禧做校長，先搞進修學院，搞到有聲有色之後，而家就升格另搞港專學院，學院今年10月開辦首個「社會發展研究（榮譽）社會科學學士課程」，成為本港第19間可以頒授學位的院校。

Ariel細細個時識得陳校長，已經覺得佢性格堅毅，做事認真，港專搵到佢呢個CEO，就可以愈做愈大啦。

Ariel

** 博客文章文責自負,不代表本公司立場 **

政府作勢要全面清場，最快明日或後日，在金鐘佔領區協助執行禁制令時，一併在禁制令範圍之外清場，包括最敏感的海富中心對出地段。聞說警方預備了七千警力，預計了有激烈對抗。

學民思潮召集人黃之鋒重申現階段不贊成退場，一旦警方暴力清場，會先讓長者及中學生撤退，又指未來數日會盤點眼罩、生理鹽水等裝備及人手等，呼籲示威者恪守和平非暴力原則，身上裝備旨在保護人身安全，絕不應攻擊前線警員。

有學生不滿學聯和學民思潮雙學太溫和，新成立了名為「學生前線」的學生組織，聲言會堅守佔領區到最後，鄭姓成員話，若警方清理禁制令範圍以外路段，會抵制及理論，但不會主動攻擊警方，只帶防禦裝備「以武抗暴」。

高人話，這些說法看似和平，但唔好信，主要原因是所謂領袖根本指揮不了群眾，而且到今天佔領區仍有300人左右在過夜，這些人長期留守，不乏激進人士，不能預計清場時沒有激烈對抗，亦要預防有更多示威者到場增援。總之唔好以為會好順利清場，唔好以為清完無人重新佔領，就一定無錯啦。