散場後感想

簡單事後分析，整個學運 (原本係民運)，最戇居就係以『公民抗命』為口號。除了戴耀庭對公民抗命，解釋得唔湯唔水，戇居之處，就係運動期間，不少時間花在爭辯甚麼是尊重法治，唔單止當中有不少反智言論，同時亦不能將整個運動焦點，集中在爭取普選的議題之上。

至於啲走埋出去坐嘅立法會議員，仲抱住80、90年代抗爭思維，而唔係走入去議會之內，履行自己作為議員的責任。上街係唔需要議員身份，選佢嚟做乜？

其實暫時都算係和平進行中，只要沒有任何傷害其他人、警察、破壞財物嘅情況之下，最好可以對一般和平示威者從輕發落；真係要重判嘅人，係呢班立法會嘅人，因為身為立法會議員，擁有代表選民去立法的權力，卻走去參與有藐視法庭嫌疑的行為，成立的話罪加一等！

泛民派系，都係時侯要換血了。

 整個運動前後，除了上面一段留言，其他負面印象就不再多講，但正面印象之中，有一老一嫩。一位係湯家驊議員，理性行動和言論，令袋鼠覺得兩年前的選擇正確。另一個係學聯副秘書長岑敖暉，這是一個透過新聞影像的觀察，袋鼠直覺上對佢有好印象；希望呢岑敖暉同學可以安然過渡這一次運動，日後不論在追求個人理想、還是公共事務，都可以闖出佢嘅天地。

大笨袋鼠

** 博客文章文責自負,不代表本公司立場 **

網友們，現在已經不是談民主功效得失的時候。也不是撐邊個的時候。旺角的街頭衝突，可悲的不在於傷人流血，而係自己人打自己人，彰顯社會已經向兩極激化。

學聯在星期四晚，在他們定下最後通碟的死線前，突然向政府發出公開信，更變相降低要求，讓了一步，而政府亦把握機會回應。見Ariel的《懸崖邊的互動》

當晚見學聯領導嘗試保持龍和道保持暢通，雖然十分吃力。另一方面，亦極力否定被標籤的『革命』字眼，以免不必要地觸動神經，顯示學生的政治智慧有所提升… 希望佢哋成長得夠快，雖然時間並不多。

綜合今晚不少人在傳媒中的公開發言，看來政府總部是『火藥桶』的所在地。

希望在政府總部的學生和集會人士，回到金鍾的大本營，給予各方面多一點唞氣空間。

香港絕對唔需要烈士，有勇氣地面向將來，來日方長，可以做的事多的是。