珍惜與子女相處時間 小艾：媽咪諗住出院同我哋食嘢

節哀順變。

「慈善伶王」新馬師曾（鄧永祥）遺孀洪金梅（祥嫂）前日（2日）離世，鄧兆尊與鄧小艾、鄧兆尊三兄妹為亡母揀靈堂花，在花店內逗留近40分鐘，兆尊透露揀了白色的靈堂花。

鄧兆尊、鄧小艾

鄧小艾、鄧兆榮

問到他們會否安排祥哥與祥嫂合葬？兆尊說：「我諗唔係咁容易，又要起又要鑿爛舊雲石。（如果做到，是否會這樣做？）真係唔係咁容易。」兆尊早前指祥嫂叫他不要結婚，他稱祥嫂只是講笑。追問是否因為祥嫂對他三位女友不太滿意？小艾聞言說：「唔好講呢啲，主要都係講返媽咪嘅後事，大家正面啲啦，爸爸又走咗，得返媽咪一個，都想做得好好睇睇。」

兆尊與小艾謂要處理的事已處理好完，著傳媒不要太辛苦了。

隨後，他們上車往香港殯儀館揀棺木，約10分鐘後離開，兆尊與小艾再次接受訪問，問到媽咪的遺願？兆尊說：「媽咪之前話諗住出院嗰陣，想同我哋食嘢。」小艾表示大家打算一齊去玩，指祥嫂很珍惜同他們相處的時間。問到扶靈名單，他們表示沒有，現時葬禮會以中西式舉行。

鄧兆尊、鄧小艾

對於祥嫂遺產的傳聞？兆尊說：「傳聞嘅嘢問返傳嗰個人啦，我亦無睇過遺囑。（有沒有與媽媽的相處點滴可以分享？）無乜點滴，只想講現在社會有啲扭曲，希望大家對屋企人好啲，始終都係媽咪。」小艾表示要珍惜家人，大家好好相處，並謂要處理的事都已處理完，這兩日都沒有特別事，叫傳媒不要太辛苦，之後小艾和兆尊就去了跑馬地會所食飯。

鄧兆榮、鄧小艾

由吳家樂與鄧兆尊主持的網台節目《娛樂好好玩》，經常大談娛樂圈熱話之餘，亦不時分享圈中秘聞，吸引不少網民追看。

在最新一集節目中，吳家樂表示自己算是見證過香港娛樂圈最輝煌的年代，也看過行業一路轉變。不過他坦言一直有個小遺憾，就是當年沒有在廣播道工作過，直到近年主持香港電台節目，才算補回心願。

吳家樂表示自己算是見證過香港娛樂圈最輝煌的年代

拍檔鄧兆尊則表示自己曾經在港台工作過，現在反而希望有機會到商業電台試試開咪。不過當吳家樂提到「大師唔係話咩......」時，鄧兆尊即時擰頭兼擺手說：「唔好了，我唔鍾意同大師做，大師太厲害了，佢言詞太高了，我頂唔住！」

鄧兆尊直言唔鍾意同大師做節目

吳家樂聽後亦十分驚訝追問：「你都頂唔住？」鄧兆尊則直言：「頂唔住！之前我講錯句嘢都雪咗9個月。」

他隨即分享一段往事。當時「大師」跑步經過他身邊，突然問：「鄧兆尊，聽講你嗰陣時唔覆機個喎？」鄧兆尊當時坦白回答：「大師，我無用Call機（傳呼機）好耐喇，因為嗰時已經無Call機。無諗到就係呢句嘢，一雪就雪咗我9個月！」

鄧兆尊指一句說話得罪「大師」

雖然他沒有直接點名，但當有網民追問是否陳志雲時，鄧兆尊亦沒有否認。

鄧兆尊亦沒有否認是否指陳志雲大師

吳家樂聽後笑說：「都要睇環境嘅，今時今日嘅鄧兆尊...唔覆你咪唔唔覆你囉！」鄧兆尊亦霸氣回應：「我雪返你啊！」並補充解釋：「嗰時真係無Call機嘛，我又唔係整蠱人。」

兩人亦感慨在娛樂圈生存並不容易，吳家樂直言：「有時打招呼又死，唔打招呼又死。要你死，你就係要死。」鄧兆尊則笑言，這其實要看當時是「紅運當頭」還是「黑過墨斗」。

吳家樂舉例說，在餐廳Canteen路過時，如果撞到「唔應該撞到嘅人」，可能就會出事。鄧兆尊更補充：「『哦，吳家樂，你無望我。得了，（雪藏）三個月啦。』真事來的，唔好以為講笑。」

二人指娛樂圈好易得罪人