大家都好期待！
關智斌（Kenny）在昨晚紅館演唱會上，換上全白西裝獻唱《情陷百老匯》途中，身穿全黑裝的密友張敬軒在台下升起以鋼琴伴奏，Kenny依琴一起合唱。軒仔的出現，令全場陷入瘋狂，當他們唱到最後兩句「繼續愛人，失戀怕甚麼」引起全場大叫。軒仔說：「多謝大家來到『相敬如斌』演唱會，呢個年代上網講下就有㗎啦，係呢，我哋係咪應該攬下？」
Kenny和軒仔唱到眼濕濕。
軒仔很開心成為Kenny個唱的嘉賓，Kenny說：「我其實都有說話想講，平時你講我都冇得講。」軒仔即煞有介事說：「咩平時呀？」Kenny稱今次能在紅館演出要多謝軒仔。軒仔笑指Kenny生活中向來節儉，這次做嘉賓，老毛（利是）都無一封，平時做嘉賓都有盒燒肉、生果放在房，今天甚麼都沒有。Kenny卻反問：「唔係你安排咩？」軒仔說：「我哋安排！」Kenny再說一次：「你安排！」全場再度起哄，Kenny說：「我都係唔講嘢啦。」軒仔：「雖然我係英皇娛樂員工之一，但單嘢唔係我跟開。」全場大笑，軒仔再笑說：「個台有鬼呀，鬼拍後尾枕。」
Kenny和軒仔唱到眼濕濕。
軒仔送上果籃，並謂：「火龍果好似我一樣，食後有益。」令全場再次瘋狂高呼。之後二人合唱《笑忘書》，期間他們齊齊眼濕濕，Kenny更用手抹淚水，唱畢後更緊緊擁抱。軒仔感觸謂Kenny北上發展時，面對很多困難，說：「人生有好多愛係可以不斷昇華，昇華成為好多支持，好似今晚一樣，大家將呢份愛昇華畀Kenny。」
張敬軒
軒仔、Kenny
