25歲想玩啲o靚妹仔嘢 新人陳凱詠唔敢攝吳雨霏型女個位

Jace指Kary是她學習的對象。

處女歌《想突然》推出了半年後，環球唱片新人陳凱詠（Jace）最近再出新歌《想正常》。為配合快歌，MV有三個玩嘢造型，其中一個駁長髮，露膊兼露腰，Jace好忘我那樣在鏡頭前扭吓扭吓，有型中帶點性感。問到是否趁師姐吳雨霏（Kary）專心湊仔時爭取表現？她大笑說：「嘩！我唔敢咁諗呀，但佢好型，唱情歌時有脆弱同觸動人心嘅一面，係我學習對象。」

Jace介紹第二首主打歌，說《想正常》是第2部曲，講一段關係出現摩擦，其實是可以放鬆點退後一步，不好刻意去想些問題，關係必定會有所改善：「新歌不論曲風、唱法、MV造型比較玩嘢，有串串地型女感覺，好開心公司畀機會我試呢個style，唔使按傳統方式演繹。喺MV入面我有3個造型，會邊唱邊跳，真係超級好玩。其中着白色Bra Top嘅造型都好特別，朋友話好有新鮮感。」

黑色tube top造型夠哂健康活力。

Jace在羽絨外套內只着Bra Tube，型中帶點性感。

Jace認為自己25歲可以玩多些o靚妹仔的東西，但性感就不可以。問到是否想攝到師姐吳雨霏型女個位？她即落閘，「我唔敢諗攝位，但都想向呢方面試多啲，我鍾意百變，Kary絕對做得到，佢可以好型、霸氣有壓台感、又可以脆弱、性感、甚至乖乖女，初入環球時有幸見過Kary一面，但fans上身唔敢向佢取經，不過，佢好nice，希望遲啲有機會再問。」

25歲的陳凱詠趁年青當然可玩盡o靚妹仔嘢。

吳雨霏型得起，Jace以佢做榜樣。

另外，最近Jace同男團ERROR成員梁業（肥仔）等拍ViuTV長劇《娛樂風雲》，第一次拍長劇邊收劇本邊拍，相當有趣，唯一不知結局有點徬徨：「劇中我做一個有『公主病』嘅死O靚妹女藝人，唔肯努力練歌、學舞，成日當肥仔係兵，最難係講啲好難啟齒嘅對白，如：『梗係啦，我咁靚！』講完都打冷震呀！因為同我本人性格完全唔同，現實中邊有自信心收兵呀？」

陳凱詠曾拍過好多唔同角色，印象最深刻演過欠缺溝通嘅內地移民，因為收埋自己，餓極了要食金魚。

陳奕迅、劉美君及李幸倪等齊賀環球唱片新人Fab Four出道。

JACE陳凱詠推出2024首支跳唱歌《百妖夜行的修行》，化身「蛇妖」與男舞蹈員貼身舞鬥騷！

以獨立身分回歸樂壇的JACE陳凱詠，去年底推出原創EP《HATCHING》，親自撰寫曲詞部分流露真實的面向，來到2024年，她再蛻變得更好玩、更破格，以經典民間傳說《白蛇傳》作靈感，創作本年度首支派台歌曲《百妖夜行的修行》，並於近日妖艷上架！

JACE陳凱詠推出本年度首支派台歌曲《百妖夜行的修行》。

觀看相關影片按連結：https://youtu.be/J_US1vmUFl4?si=L4prF5OnGSD4rAnj

充滿玩味的跳唱曲式，由JACE親自作曲，編曲部分邀得好友兼金曲獎最佳專輯製作人hirsk，另有首次合作的蔡德才共同編曲，並為新歌擔任監製。歌詞方面由「詞神」林夕操刀，同樣別具風格，全曲混合廣東話、英語、國語、日語、西班牙語及韓語六種語言，除了展示JACE的語言天份，更為《百妖夜行的修行》的「怪氣」加持！

新歌由JACE親自作曲，歌詞則由「詞神」林夕操刀。

全曲混合廣東話、英語、國語、日語、西班牙語及韓語六種語言。

新歌的靈感來自經典民間傳說《白蛇傳》，用現代的視角詮釋「百妖」概念，是妖是怪不由旁人指點，鼓勵每個人儘管擁抱最真實的自己，堅定地綻放。JACE 表示：「《白蛇傳》咁經典，我當然知係咩啦，我覺得白蛇同青蛇都好勇敢，妖精都可以去愛㗎，雖然我哋唔係千年修行嘅妖，但係都可以做返自己。怪就怪，怪得嚟唔傷害人，怪得嚟自己開心就夠，其他人嘅眼光？Let go啦。」

《百妖夜行的修行》靈感來自經典民間傳說《白蛇傳》。

新歌鼓勵每個人儘管擁抱最真實的自己，堅定地綻放。

JACE與團隊特意為MV遠赴台灣取景，惜拍攝期間遇上台灣地震事件，幸而團隊並未受到影響亦未有於過程中遇到餘震。JACE直言好感恩，亦再次為台灣送上祝福：「台灣真係一個好正嘅地方，希望大家都平平安安。」是次MV的拍攝地點是位於桃園市、台灣熱播劇《想見你》亦曾取景的廢棄酒店，環境惡劣之餘，亦有不少鬧鬼傳聞，JACE透露拍攝時有舞者稱「有人拍佢」，加她剛剛病癒又要拍攝濕身場口，令JACE大感不適。雖然面對惡劣的拍攝環境兼疑似鬧鬼，JACE仍堅持拍攝，更霸氣表示：「確實係辛苦嘅，但呢啲就係做獨立歌手嘅好玩之處，唔會縮！多謝團隊陪我！」

是次MV的拍攝地點是位於桃園市、台灣熱播劇《想見你》亦曾取景的廢棄酒店。

JACE透露拍攝時有舞者稱「有人拍佢」，加上她剛剛病癒又要拍攝濕身場口，所以感到非常不適。

為貫徹新歌以《白蛇傳》做概念，JACE以銀白蛇妖造型登場，充滿冷艷與優雅的味道，加上紅燈籠場景，為《百妖夜行的修行》結合兩個時代的視覺衝擊。她率領四位男舞蹈員大跳Voguing舞風，有大量手部旋轉的動作配合如模特兒擺甫士的舞種，是高度個人風格的舞蹈，於性小眾 LGBTQIA+文化中極為流行的舞姿，與《百妖夜行的修行》的精神價值不謀而合。

JACE以銀白蛇妖造型登場。

加上紅燈籠場景。

率領四位男舞蹈員大跳Voguing。

JACE於MV裏與舞蹈員鬥騷鬥妖，狂扭纖腰之餘，亦不乏貼身舞步，更有一幕360度轉身仰卧抬腿的高難度動作，雖然她穿上5吋高跟鞋，仍然毫不錫身，正式拍攝前更多次反複練習，為求順利完成。她說：「我覺得好好玩同好有型，雖然對鞋好高，但係咁先正！同埋早兩日喺IG分享咗張『蛇咬』相，好多朋友即刻留言關心我，同大家講聲唔好意思，冇計啦，而家造歌真係要做好多嘢㗎，嘻。」貫徹JACE的好玩破格性格，以「新歌」向粉絲報平安。

JACE於MV裏與舞蹈員鬥騷鬥妖。

狂扭纖腰之餘，更有高難度動作。