Jace指Kary是她學習的對象。
處女歌《想突然》推出了半年後，環球唱片新人陳凱詠（Jace）最近再出新歌《想正常》。為配合快歌，MV有三個玩嘢造型，其中一個駁長髮，露膊兼露腰，Jace好忘我那樣在鏡頭前扭吓扭吓，有型中帶點性感。問到是否趁師姐吳雨霏（Kary）專心湊仔時爭取表現？她大笑說：「嘩！我唔敢咁諗呀，但佢好型，唱情歌時有脆弱同觸動人心嘅一面，係我學習對象。」
點擊看圖輯
黑色tube top造型夠哂健康活力。
Jace在羽絨外套內只着Bra Tube，型中帶點性感。
25歲的陳凱詠趁年青當然可玩盡o靚妹仔嘢。
吳雨霏型得起，Jace以佢做榜樣。
陳凱詠曾拍過好多唔同角色，印象最深刻演過欠缺溝通嘅內地移民，因為收埋自己，餓極了要食金魚。
陳奕迅、劉美君及李幸倪等齊賀環球唱片新人Fab Four出道。
Jace介紹第二首主打歌，說《想正常》是第2部曲，講一段關係出現摩擦，其實是可以放鬆點退後一步，不好刻意去想些問題，關係必定會有所改善：「新歌不論曲風、唱法、MV造型比較玩嘢，有串串地型女感覺，好開心公司畀機會我試呢個style，唔使按傳統方式演繹。喺MV入面我有3個造型，會邊唱邊跳，真係超級好玩。其中着白色Bra Top嘅造型都好特別，朋友話好有新鮮感。」
黑色tube top造型夠哂健康活力。
Jace在羽絨外套內只着Bra Tube，型中帶點性感。
Jace認為自己25歲可以玩多些o靚妹仔的東西，但性感就不可以。問到是否想攝到師姐吳雨霏型女個位？她即落閘，「我唔敢諗攝位，但都想向呢方面試多啲，我鍾意百變，Kary絕對做得到，佢可以好型、霸氣有壓台感、又可以脆弱、性感、甚至乖乖女，初入環球時有幸見過Kary一面，但fans上身唔敢向佢取經，不過，佢好nice，希望遲啲有機會再問。」
25歲的陳凱詠趁年青當然可玩盡o靚妹仔嘢。
吳雨霏型得起，Jace以佢做榜樣。
另外，最近Jace同男團ERROR成員梁業（肥仔）等拍ViuTV長劇《娛樂風雲》，第一次拍長劇邊收劇本邊拍，相當有趣，唯一不知結局有點徬徨：「劇中我做一個有『公主病』嘅死O靚妹女藝人，唔肯努力練歌、學舞，成日當肥仔係兵，最難係講啲好難啟齒嘅對白，如：『梗係啦，我咁靚！』講完都打冷震呀！因為同我本人性格完全唔同，現實中邊有自信心收兵呀？」
陳凱詠曾拍過好多唔同角色，印象最深刻演過欠缺溝通嘅內地移民，因為收埋自己，餓極了要食金魚。
陳奕迅、劉美君及李幸倪等齊賀環球唱片新人Fab Four出道。
